Page 174 - Сергей Васильев. Өлбөт өрөгөй
P. 174
Уолба-ньүөгү олоҕун
Уһун үскэм отторун,
Килэччи охсон кэбиспит,
Кирээдэ курдук тэлгэппит...
Мунньар массыына тэрийэн,
Модьу акка көлүйэн,
Үерэ-көтө мичээрбит,
Үтүө-кэрэ бүөбэйгэ
Аана кыыска илпиттэр,
Анал үлэ биэрбиттэр.
Аана оҕо барахсан
Атын күүскэ хаамтаран,
Куурбут оту хомуйан
Кууча гына кумуйан,
Тэлиэгэ тыаһа тигинээбит,
Тимир тииһэ тирилээбит...
Ойуур, дулҕа саҕатын
Ойом-сойом быстаҕын,
Эриэн сиидэс былааттаах
Эдэр чэгиэн эдьиийдэр
Кыра тиистээх кыраабыл
Кылбаҥ курдук кыйаабыл
Угунан ылан тарыйан,
Утуу-субуу хаһыйан,
Кв5үс-көҕүс быспыттар,
Күрүө-субуу гыммыттар...
Күлүм-дьирим умайар
Күммүт уота күрэнэн,
Сүрэҕи-быары сүүдүтэр
Сөрүүн киэһэ буолуута,
Сүүрэ-көтө мөхсүбүт
Сүрэх-бэлэс уолаттар
Унаар-мэнээр хонууга,
ОҺ05ОС курдук субууга,
160
