Page 171 - Сергей Васильев. Өлбөт өрөгөй

Кини диэтэх киппэйэн,
Килэгир тимир килтэйэн,
Чэгиэн сиртэн тирэнэн,
Дьиэтин диэки тэбинэн,
Бирилии-бирилии билтэйбит,
Күрүлүү-күрүлүү күлтэйбит...

Аныгы олох айхалын —
Арамаан совет артыалын
Арыы бөлөх ыалларын
Арыый аҕай үрдүнэн,
Күөх урсун күөнүгэр,
Күн долгун көхсүгэр
Тимир кынат тэрэйэн,
Тирилии-тирилии тэлээрэн,
Көҥүл олох «күөрэгэйэ»
Көтөр аалбыт тайааран
Үөһэ-аллара күөрэйбит.
Үстэ-түөртэ эргийбит...
Күнүм уота күрэнэн,
Күлүк түүнүм күһэйэн,
Барык-сарык тустуута,
Бадыа-бүдүө буолуута,
Күүстээх барабыык уоттарын
Күлүм-дьирим уматан —
Ильич сырдык лаампатын
Илэ-чахчы тыктарбыт,
Хара бараан түүннэри
Хайа тэлэ сырдаппыт...
Аны Арамаан артыалын
Алаастарын кэрийэн,
Ымыы чыычаах куолаһынан,
Ыллыы-туойа турда5ым...
Хатыҥ чараҥ тумуллаах,
Халыҥ ойуур тулалаах,
157