Page 173 - Сергей Васильев. Өлбөт өрөгөй
P. 173
Тумул хоонньо хаарчахтан
Тутар биэни аҕалан,
Ыркый, куруҥ быыһыттан
Ыанар ынаҕы хомуйан
Дьэдьэн уктаах тиэргэҥҥэ,
Тиһиллэ турар титииккэ,
Сурдур-сурдур ыабыттар.
Суорат, кымыс гыммыттар...
Аныгы о л ох айхалын —
Арамаан совет артыалын
Отун сирин киинигэр —
«Орто Күрүө» иһигэр
Отут, сүүрбэ отчуттар
Уопсай мустан турбуттар.
Сыстаҥ биилээх хотууру
Сытыы гынан охсоору,
Хаахыр-чуукур сотуолаан
Хара тааһынан буруустаан,
Оспуос сыырын анныгар,
Ойуур саҕатын аттыгар
Ойо тэлэн барбыттар,
Охсон күллүү турбуттар...
Маҥан аты сайыалаан,
Массыына сэпкэ пааралаан,
Уолба-ньүөгү олобун,
Уһун үскэм оттооҕун,
Туспа арыылаан ыланнар
Тула эргийэ сылдьаннар,
Кырсын тэҥнии кыстаран
Кырдыр-кырдыр кыртаран,
Кирийэн-хоруйан быспыттар,
Килэччи охсон барбыттар.
Маҥан атым күннүгэ,
Массыына охсор күдэҕэ
159
