Page 194 - Сергей Васильев. Өлбөт өрөгөй

Күһүҥн-ү тымныы түүн
Хаһыҥынан хаарыйан
Хагдарытара буолбатах,
Советская Союзпут
Сирин-дойдутун киэргэлин,
Синньэ-дьэрэкээн симэҕин
Хаанымсах фашистар
Хаһан даҕаны
Хагдарытыахтара суоза!
Сирилэс буурҕалар
Силлиэрэн түһэннэр
Куодалаах тииттэри
Кумалыыллара буолбатах,—
Улуу Коммунист партия
Уһааран ииппит
Уолаттарын, кыргыттарын,
Уотунан-биинэн уоБурҕаабыт
Очуос-аппа ороспуонньуктара
Охторуохтара суоҕа!
Күндээр-сандаар
Күлүмнүүр күн уотун
Күдэрик былыттар
Күөнтүүллэрэ буолбатах,—
Көҥүлбүт сырдыгын
Күөх биинэн тэлэкэччийбит
Көлдьүттэр — фашистар
Күлүктүөхтэрэ суоҕа!
Кырдьыкпыт иһин охсуһабыт,
Кыайыы биһиэхэ буолуоҕа!
Төрөөбүт сирбит иһин охсуһабыт,
Түмүк биһиэхэ буолуоҕа!
Дьэ эрэ, күүһү-уоҕу түмүөҕүҥ!
Дьэ эрэ, тутта-хапта түһүөҕүҥ!
Эрдээх эрдээҕин биллэрэр
180