Page 192 - Сергей Васильев. Өлбөт өрөгөй
P. 192
Куораппытын алдьатан
Хоруо курдук тэпсээри,
Сэлиэнньэни үрэйэн
Сири кытта тэҥнээри —
Суостаах тэргэттэринэн
Суптурута одуулаата,
Тууспаннаан, дьаадаранан
Тоҕута ытыалаата...
Кыһыл Армия
Кырыынан көрсүһэн,—
Уһуктаах өргөстүү
Уун-утары кэтистэ,
Хомпоруун хотойдуу
Хорсуннук түһүстэ...
Ити курдук
Икки күүс —
Сырдык уонна хара күүс,—
Эпсэри түсүһэн,
Эллэһэн истилэр,
Хардары анньыһан,
Хааннаһан бардылар...
Сүллэр этиҥнии
Сүҥкэн тыастар
Оптом буоллулар,
Көмүөл мууһунуу
Күрүлүүр ньиргиэрдэр
Онтон турдулар...
Билэбит туох иһин охсуһары!
Билэбит ким имнигэр турунары!
Урукку үйэҕэ
Оруосканан таһыллыбыппыт,
'Гойокко тобуктаан
Токуйа хаппыппыт,
Кулаакка кулуттааи
178
