Page 234 - Сергей Васильев. Өлбөт өрөгөй

Мин күлүмүрдүүбүн —
Мичилийэр бу күндү мичээргэр куустаран!
Мин туруум —
Аһыылаах дьоннорум ааттарын чиэһигэр,
Албаннаах кыайыыларыҥ күлүмүн иэһигэр —
Кырдьаҕас тулаайах ийэттэн, араттан,
Кылыстыы кылбаҥныыр эдэркээн ыччаттан,
Кый ыраах Ленаттан, долгуйар Амматтан,
Кырыалаах Дьааҥыттан, көмүстээх Алдантан,
Төҥүлү күөлүттэн, киэҥ Ньурба ыалыттан,
Төрөөбүт сирбиттэн — солко күөх Суоттуттан —
Төбөбүн хоҥкута!
Сибэкки быраҕа!
Мин туруум —
Аһыылаах хараҕым уутун манна таммалата!
Дьоннорум уҥуоҕар ону манна ханыылата!
Эймэлгэннээх ол хараҕым уутун таммаҕа —
Эн, Улуу Ильмень, омуннаах долгуҥҥар
Уһун үйэлэр мындаалаах усталарыгар
Оонньуу-кылбаҥныы сылдьыстын,
Улуу буойуннар чиэстэрин туойустун!
Эн тор5о солко отторгор,
Эн чаҕылыйар үскэм отонноргор,
Эн синньэ-дьэрэкээн киистэлэргэр,
Эн сиэдэрэй кэрэ сибэккилэргэр,—
Сник буолан чопчулаһа турустун!
Алмаастыы оонньуу чаҕылыстын!
Мин бүттүм —
Кэс тылбын иэйэ кэпсэтэн!
Мин бүттүм —
Сүрэхпин-быарбын ытатан!
Мин бүттүм —
Андаҕар хоһоонун саҥардан!
Мин бүттүм —
220