Page 233 - Сергей Васильев. Өлбөт өрөгөй

Кинилэр —
Улуу Лена буоруттан эттэммиттэрэ,
Улуу Лена уутугар кииллийбиттэрэ.
Кинилэр —
Улуу Лена салгынын эҕирийбиттэрэ,
Ийэ дойдуларын сүрүн иҥэриммиттэрэ.
Кинилэр манна —
Сири кытта сир буолбуттар,
Ууну кытта уу буолбуттар,
Салгыны кытта салгын буолбуттар,
Сыралы кытта сырал буолбуттар —
Эттиин, тыынныын иҥэн былааспыттар..
Бу, сибэкки буолан дэрбэйбиттэр,
Бу сирэм күөх буолан долгуйбуттар,
Бу, отон буолан кытарбыттар,
Бу, дьэдьэн буолан дыргыйбыттар,
БУ, чыычаах буолан ыллаабыттар,
Бу, оонньуу буолан мичээрбиттэр,
Бу, куйаас буолан күндээрбиттэр...
Дьэ, бары хаан уруулуу буолбуппут.
Күн анныгар биир сыралга турбуппут.
Кинилэр Эн килэҥ муускар
Ол өтөрдөөҥү өлөр кыланыылара,
Кинилэр өстөөххө хабырбыт,
Кыайыыны ыҥырбыт хаһыылара —
Охтон иһэн ураатаабыттара
Үйэлэри үрдүнэн иһиллэ туруохтара,
Өрүү Кыайыыларга ыҥыран дуорайыахтара!
Кинилэр бухатыыр хардыылара,
Кинилэр сырдык санаалара —
Үйэ кыната буолаллар,
Халлаан чаҕыла буолаллар...
Мин сүгүрүйэбин —
Долгуйар бу солко күөх суугуну уруйдуу!
Мин чаҕылыйабын —
Дьиэрэйэр музыка тыаһыгар уйдаран!
219