Page 229 - Сергей Васильев. Өлбөт өрөгөй

Кулуһун төлөнүнэн күлүмнэтэр —
Хоодуоттук уһанар Хоту дойдуттан.
Дорообо,
Нуучча омуннаах үҥкүүтэ!
Дорообо,
Музыка ньиргиэрдээх күүрүүтэ!

Дорообо,
Волхов суккулла кутуллар сүүрүгэ!
Дорообо,
Ильмень адаархай долгумун күлүмэ!

Эн эмиэ —
Ааспыт араллааннаах кэмнэргэр
Аһыылаах харах дириҥ уутугар
Аймана чачайбыттаах эбиккин!
Эн эмиэ —
Охсуспут уорааннаах суолларгар
Ортотунан элбэхтик булгуруйбут
Уһун садаҕа кылыстардаах эбиккин!
Эн эмиэ —
Урусхал буола кумаламмыт
Улуу дьон көмүс уҥуода
Оппуоха буолбут буордаах эбнккин!
Эн эмиэ —
Кыыһа-кытыаста халыйбыт
Кытыан үгүс дьон хаана
Кырааска буолбут кырдаллардаах эбиккин!
Субу, сип-сибилигин манна,
Көрөн турар курдукпун:
Шведтэр аттаах армияларын,
Немецтэр кыыллыйбыт рыцардарын,
Невскэй олору урусхаллыырын,
Нимси охсуталаан сууллартыырын..,
215