Page 230 - Сергей Васильев. Өлбөт өрөгөй

Өрөгөйдөөх Чудской күөлгэ
Өстөөх знамята таҥнары дапсылларын.,.

Субу сип-сибилигин манна
Көрөн турар курдукпун:
Аатырбыт Наполеон сэриитин
Арҕаа төлооннорго самнарсан,
Халыҥ элбэх Эн бухатыырдарыҥ
Хатан ыстаал сытыы кылыстарын
Үрүҥ күҥҥэ өрө кылбаҥнатан,
Үөрэн-көтөн парадтаан иһэллэрин.
Субу сип-сибилигин манна
Көрөн турар курдукпун:
Литература күлүмүрдэс храмыгар
Эн биир улуу уолуҥ, Державин,
Буолбут эбээт — уһун үйэ былаһыгар —
Көмүстээх мрамор тулааһын;
Кини хоһооно өрө ыһыахтанар
Кыайыы салютун кыыһар кыымынан;
Суол кытыыта сибэкки ойууланар
Кини одатын дьэрэкээннээх санаатынан!
Субу сип-сибилигин манна
Истэн турар курдукпун:
Улуу Рахманинов кынаттаах музыката
Омуннаах ырыаны дьиэрэччи гардарын;
Некрасов ыар сүгэһэрдээх поэмата
Улуу Русь устун ынчыктыы устарын;
Сибэкки симэхтээх Есенин лнриката
Сииктээх киэһэ чараҥ устун
Дуораччы ааҕылларын...

* * *
Улуу Аҕа дойду сэриитигэр
Уотунан кытыаста умайбытыҥ!
Москва, Ленинград кирбиитигэр
Тоҥ күөҥҥунэн Эн өстөөҕү утары тоһуйбутуҥ...
216