Page 231 - Сергей Васильев. Өлбөт өрөгөй

Куорат, тыа манна барыта умайбыта,
Хонуу, толоон бүтүннүүтэ хоруорбута.
Халлаан өҥө хараара барыарбыта,
Хара буруо сабардыы тардыллыбыта...
Уордаах өһүөн манна сытыыламмыта,
Дьон-норуот олорчу охсуһа тахсыбыта.
Халлаан сулуһунуу халыан элбэхтик
Хара тыа быыһыгар, хайыр таас күлүгэр
Партизан кутаата кытыаста умайбыта.
Суол сүнньүгэр, түүн күлүгэр
Өстөөх танката, куйахтаах массыыната
Хардыы ахсын күдэҥҥэ көппүтэ...
Улаҕа ыраах Сибииртэн,
Усталаах улуу Лена эбэттэн
Нууччалыын, сахалыын, эвенниин,
Татаардыын, буряттыын, чуваштыын —
Элбээн субуһан кутуллан испиттэрэ,
Өстөөх сүрүн тоһута сүүрбүттэрэ.
Кыскыйар кыыдааҥҥа кыһаллыбат,
Ытыллар буурҕаҕа ымыттыбат,
Тибиллэр сүүрүккэ тимирбэт,
Оргуйар долгуҥҥа охсуллубат,
Сибиир тыйыс сэрииһиттэрэ
Уоту уотунан умса куласпыттара,
Чаҕылҕаны чаҕылҕанынан саба дапсыспыттара!..
Эйиэхэ, кырдьаҕас ытык Ильмеҥҥэ,
Элбэхтэр эмискэ бомба5а түбэһэннэр,
Эн килэҥ муускар хаһыытыы хаалбыттар.
Кинилэр ол өлөр кыланыылара,
Өстөөххө хардарар хаһыылара —
Кыргыс хонуутун устун кыладыйбыта,
Сэрии төлөнүн быыһынан дуораһыйбыта.

Кинилэр ол өлөр кыланыылара,
Кыайыыны ыҥырар хаһыылара —
Тыалынан-силлиэнэн силбиэтэнэн,
217