Page 232 - Сергей Васильев. Өлбөт өрөгөй

Аһыынан-абанан сатараан —
Төрвөбүт дойдуларыгар,
Аар тайҕаларыгар
Булчут отуутун уотугар күөдьүйбүтэ,
Хонуу-толөон устун
Трактор тыаһыгар кыттыспыта.
Өс-саас сэтэрэн өрө силлиэрбитэ,
Сирдиин-дойдулуун уотунан уһуурбута...
Сибиир тыйыс уолаттара:
«Синэ биир!»— дэһэн уоҕурбуттара,
Сибиниэс буурҕаҕа утары киирбиттэрэ...
Сорохтор хайаны утары тахсаннар,
Старай Руһу эргийэ сүүрбүттэрэ.
Кутуллар сүүрүктээх сүүһүнэн өрүстэргин
Кутаалаах уоту аннынан туораабыттара.
Куталаах-дьэбэлээх тыһыынчанан күөллэргин
Босхолоон ылаары хаһыыран барбыттара.
Өстөөҕү урусхаллаан, төттөрү кыйдааннар,
Эн куораттарыҥ килиэ таас уулуссаларынан
Ураанан сырсыбыттара, парадтаан хаамсыбыттара.
Эн урусхал буолбут дьиэлэриҥ үрдүлэринэн
Кыайыы знамятын өрө анньыспыттара.
Эн киэҥ сыһыыларыҥ иннинэн хаамсыбыттара.
Олорго кылабачыгас пааматынньыктар турбуттар!
Сүүһүнэн, тыһыынчанан дьоннорго —
Ииннэр, ииннэр,
эмиэ ииннэр!
Сүүһүнэн, тыһыынчанан дьоннорго —
пааматынньыктар, пааматынньыктар,
эмиэ пааматынньыктар!
Ол мин биир дойдулаахтарым:
Бырааттарым, убайдарым —
Ойуур ахсын быстыбыттар,
Уу тулатын ахсын охтубуттар...
Ити ииннэргэ көмүллүбүттэр,
Ити пааматынньыктар анныларыгар, ууруллубуттар,
218