Page 27 - Сергей Васильев. Өлбөт өрөгөй

Түүҥҥү түлүк диэбэкка
Борокуот устан дьулуйда.
Сууллар кумах биэрэккэ
Эрдии баала оҕуста.
Борокуот маягын үрдүгэр
Лаампа уота сандаарда,
Өрүс уутун сүнньүгэр
Сырдык тыган сыдьаайда.

Үрүмэ долгун көхсүгэр
Күлүм-чаҕыл оонньоото,
Бүлүү өрүһүн сүүрүгэр
Көмүс курдук уһунна.
Халлаан саҥа сырдыыта
Ньурба чугаһа билиннэ.
Дьиэтин сарайын кырыыта
Кылбайан-туртайан көһүннэ.

Борокуот гудога чускуутаан,
Халлаан көхсө дуораһыйда,
Хайа баһа сатараан,
Ньурба иэнэ уораһыйда.
Үрүҥ, хара таҥастаах
Үгүс киһи муһунна,
Кыһыл солко былааттаах
Өрүс хааһыгар хойунна.
Биэрэк үрдүгэр килэччи
Дьааһык, буочука дьаптанна,
Даркы курдук тэлгэччи
Массыына 6050 кыстанна.

Манна миэнэ доҕорум,
Көрдөөх көмүс далбарым —
21