Page 24 - Сергей Васильев. Өлбөт өрөгөй

Бу көбүс-көнө суолбутунан
Бухатыыр массыыналар ааһыахтара,
Кылбаһыйар саҥа муостабытынан
Кыргыттар, уолаттар сырсыахтара.
Үрдүк остуолбалар аттыларыгар
Үлэсиһэн өр күүтүһүөхтэрэ.
Күһүҥҥү киэһэлэр ыйдыҥаларыгар
Көрсүһэн, кинилэр сипсиһиэхтэрэ.
Килэдийэр бу суолбут остуолбатыгар
Кинилэр ааттарын суруйуохтара.
Үөрүү-кыайыы музыкатыгар
Үтүө ырыалары хоһуйуохтара.
Сүөдэккэ оҕонньор, эрдэ турсан
Сүгэҕин сытыытык буруустас!
Ленатган Аммаҕа суол тэлсэн,
Тииттэри, силистэри ыраастас!

Баҕар, кырдьаҕас, эн ааккын
Ити ыччаттар онно хоһуйуохтара,
Сүгэнэн бу солоон, ыраастаан бааркын,
Көмүһүнэн кинилэр дуйдуохтара.
1934 с.

БАРТЫСААН ЫРЫАТА
(Халлааскы Бөтүрүөпкэ)
Батталга бууллайа санааммыт,
Уһуура-уһуура, хаампыппыт,
Быһаҕы туос кыыҥҥа саанаммыт,
Өттүккэ туруору бааммыппыт.
Былааһы былдьаһыы күнүгэр
Ыстыыгы санныга сүкпүппүт,
18