Page 29 - Сергей Васильев. Өлбөт өрөгөй
P. 29
Күрүлүү сүүрэрэ,
Күүгэнэ түллэрэ.
Будуллар-ытыллар,
Буруолуу субуллар
Уу былыт ардахтаан,
Сирилээн-курулаан
Таҥнары сайгыыра,
Чарылыы устара.
Сииктэлээх, талахтаах
Күөх дьирбии аппанан,
Суураххай кумахтаах
Сүүс курдук саалынан
Таба кыыл ааһара,
Туйаҕа тыаһыыра.
Ол хайа анныгар —
Дьапталҕа кирилиэс,
Аппатын быыһыгар —
Ууллубут сибиниэс
Муус курдук сытара,
Муох ону сабара.
Онуоха эппитим:
— Санаабын ситиэҕим!
Күн сарсын, Тукулаан,
Тобулу хаһыа^ым!
Массыына аҕалан
Курдаттыы ааһыаҕым!
Тоҕута силэйэн
Сыа хаардыы күрдьүөбүм!
Ыллыктыы килбэтэн
Тимир суол сүүрдүеҕүм!
Мэҥитэн-иһиирдэн
Боробуос ыытыаҕым!
23
