Page 28 - Сергей Васильев. Өлбөт өрөгөй
P. 28
Учуутал буола кэлистэ,
Үөрэ-көтө көрүстэ.
Кини дьону үөрэтэн
Харах сулус буолуоҕа,
Кыымныы өрө күөрэйэн
Кылбайа сырдыы туруоҕа.
1934 с.
ТУКУЛААН ХАЙАТА
Тукулаан хайатын
Туруору арҕаһын
Ыраахтан көрдөххө:
Көнньүөс күөх таҥастыы
Күрүөлүү сытара,
Көдөрөн көстөрө.
Очугур-чочугур
Сыгынньах очуоһар,
Халлааны суруйбут
Халтархай саалыгар
Күн уота тыгара,
Күлүмнээн ааһара.
Кыскыйар-чыскыйар
Кыһыҥҥы кыыдааҥҥа,
Иһиирэр-куһуурар
Буурҕалаах киэһэҕэ
Кумаҕа көтөрө,
Куугунуур буолара.
Самаан саас кэлиитэ,
Саһаан хаар ириитэ
Тымыртан тыккыраан,
Силистэн сиккирээн
22
