Page 34 - Сергей Васильев. Өлбөт өрөгөй
P. 34
тииҥ
Күл курдук өлбөөрбүт
Күкээркэй дьүһүннээх,
Тииҥ кыылбыт мөлбөйбүт
Үтүөкэн бэйэлээх.
Тылбыҥныыр, тырымныыр
Хап-хара харахтаах,
Чэрэҥниир-чөрөҥнүүр
Даллаҕар кулгаахтаах.
Бэйэтин куоталыыр
Суон, хара кылааннаах
Хороҥнуур-субуҥнуур
Кутурук ахханнаах.
Томтор сир арҕаһын
Сарсыарда кэриимниир,
Уһун тиит чыпчаалын
Үрдүгэр чэрэҥниир.
Тиит төргүү мутугун
Күн орто тулалыыр,
Мутуктан мутукка
Ойуолаан субуҥнуур.
Кини баар бэлиэтэ:
Хатырык тыһыргыыр,
Туораҕы көмүллүүр,
Тиис тыаһа кэчиргиир.
1936 с.
АЛАР, ТОЛООН АЙХАЛЛЫАҔА
Сылаас да күн
чэмэлийдэ.
Кэрэ да күөх
чэлгиһийдэ.
28
