Page 61 - Сергей Васильев. Өлбөт өрөгөй
P. 61
Хастыы салатан,
Томтор сирдэргэ
Тулалыы көтөн,
Тоҥ танкаларынан
Тоҕута солотон,
Тимир «тиигирдэри»
Дэлбэритэ тэптэрдилэр,
Бороҥ фрицтэри
Буорга хаптаттылар.
Уулусса устун
Уот сэлэни иһинэн
Тигинии умайа турар
Дэриэбинэ ортотугар
Кыһыл Армия полкалара
Кырылаан киирдилэр.
Омуһах дириҥ түгэҕиттэн
05°'УРУУ оронно,
Сарай-ампаар кэнниттэн
Саһан хаалбыт таҕыста.
Оҕонньор, эмээхсин аймах
Умайбыт оҕолор өлуктэригэр
Умса түһэ сытан ытаатылар:
«Бу ыар аһыыларбытын
Пруссия сыһыытыгар
Буруйдаахтан иэстэһиҥ!»— дэстилэр.
Ол айдаан ортотугар
Уон саллаат улаҕатыттан
Саха уола
Сарыпыан Хаабыһап
Ыксыһа-ыксыһа
Ыстанан таҕыста.
Итийбит бинтиэпкэтип
Иитэн хачыгыратаат,
55
