Page 60 - Сергей Васильев. Өлбөт өрөгөй

Куурусса куотан хахаарда.
Хос тугэ5иттэн
Куоппас ытылынна,
Орон үрдүттэн
От ыһылынна.
Ити кэнниттэн
Дэриэбинэни бүтүннүү
Тилэйэ сылдьан уоттаатылар,
Кими туппуттарын
Киил маһынан кырбаатылар.
Кутаа уот,
Кууһа-кууһа,
Кураанах ампаардары
Кутас тылынан салаата,
Саҕаһа уот,
Саһыгырыы-саһыгырыы,
Сарай эркиннэрин
Сарадах тылынан салбаата.
Халлааны бүрүүкүү
Хара өһөх буруо
Халталаһан халыйда;
Күөх толоону сабардыы
Көмөр күүппэх курунньук
Көтөн нэмирийдэ...
Утаакы буолаат, биһиэннэрэ
Омуннаммыт немецтэри
Уун-утары атаакалаатылар,
Үс өртүттэн хаайан
Үтүрүйэн киирдилэр,
Кытарбыт кытаҕастыы
Кыбытан истилэр.
Хаспах сирдэргэ
Хаайталаан ылан,
Хардаҕас уотунан
51