Page 26 - Иван Мигалкин Аныыбын иһирэх иэйиибин

СААҺЫ РБЫ Т КЫРГЫТТАР

Тапталы өйүнэн айбаттар...
Семен Данилов.

Сүүрбэ сэттэ сыл олордубут,
отучча сыл күүттүбүт,
Билбэтибит -
Күн курдук улахан тапталы.
Эр киһи көмүскэл буолар
Хоһуун сүрэҕин көрсүбэтибит диэҥҥит
Санааҕытын түһэримэҥ -
сааһырбыт кыргыттар...
Эһиги умнумаҥ,хаһан да умнумаҥ -
тапталга бэриниилээх сүрэххитин,
уйан сүрэххитин,
күүтэр сүрэххитин,
эрэнэр сүрэххитин...
Дьоҕурдаах буолуҥ -
сэмэй мичээринэн, мунчаарар көрүүнэн,
килбик кэпсэтиинэн, ахтылҕан күүһүнэн
эр киһи сүрэҕин тапталынан
арыйарга...
Дьоҕурдаах буолуҥ -
тэхтиргэ да тэбиллэн,
кыдьыктарга да охсуллан,
арыгыттан да саппаҕырбыт кэмигэр,
эр киһини киһилии быһыынан өйдүүргэ,
бириэмэтин көрөн дьүүллүүргэ...
Санааҕытын түһэримэҥ -
сааһырбыт кыргыттар,
харыстааҥ, сөбүлээбит эр киһигитин,
айылҕаны араҥаччылыыр курдук,
айылҕаттан - сылаанньыйар курдук,
айылҕаттан -
ыарыыны тумнар курдук.
Күн буолан сылыйыы,
Ыйдаҥа буолан сырдааһын -
Таптал талаана, таптал кута...
Сатаан таптааһын -

24