Page 29 - Иван Мигалкин Аныыбын иһирэх иэйиибин
P. 29
ҮККҮҮЛҮҮР СА АЛ А Ҕ А
Толору дьонноох үҥкүүлуүр саалаҕа
Эйигин көрдөөммүн булбатым,
эн суоххун -
Арай көрөбүн миэхэҕэ анамматах
мичээрдэри,
Кинилэр таптал уотунан умайар
харахтарын одуулуубун...
Тоҕо чуҥкугай,
толору киһилээх саала -
Эн үҥкүүгэ кэлбэтэххиттэн,
олох быһаҕас, топ-толугурас...
Эн суоххун,
күүтэ турабын.
"Саҥа дьылынан, саҥа дьолунан!" -
атыттардыын эҕэрдэлэһэбин.
Сүрэҕим соҕотохсуйан мунчаарар -
Алаас ортотугар үүммүт хатыҥ
Сиккиэр тыалтан санньыар ырыаны
тардарыныы...
Доҕоруом, эн баарыҥ буоллар
бу манна,
күлүмүрдэс оонньуурдарынан
киэркэйбит
харыйа биэрэр үөрүүлэринээҕэр -
Эн үөрүүгүн мин үрдэтиэм да этэ,
Эн дууһаҕын күүстээх тапталынан
күөдьүтүөм да этэ!
1984 сыл. Тойон Мүрү.
27
