Page 32 - Иван Мигалкин Аныыбын иһирэх иэйиибин
P. 32
иэйии истиҥин
Күндул күһүн күүтүүлээх хаар
Кыыдамнаан түһэрин күүтэрим курдук,
Күөх халлааҥҥа ааттал тылын
Этэрим курдук ис дууһабыттан -
Сылаанньыйан, долгуйан,
Үөрэн-көтөн кэлэбин
Үөрэммит, иитиллибит кыһабар -
Мүрү орто оскуолатыгар...
Манна баар - тапталым,
Оҕо сылдьан таҥара оҥостон
Ытаабыт, ыллаабыт кэрэчээн кыыһым
Саҥарбыт саҥата - оскуолам
Истиэнэлэригэр иҥэн хаалбыт
Ырыа чыычаахтыы куолаһа...
О, бастакы тапталым,
Иэйии истиҥин билбит кыыһым -
Эн тускунан мин сүрэхпэр
Ырыалар үөскээн Мүрүбэр көтөллөр...
1988 сыл. Тойон Мүрү.
30
