Page 75 - Иван Мигалкин Аныыбын иһирэх иэйиибин

С Э М Э Й БЭЙ ЭЛ ЭЭХТИ К ТуТТАН

Толбоннурар уһун суһуоҕун
Такымыгар диэри намылытан,
Сахам кыыһа барахсан
Сэмэй бэйэлээхтик туттан,

Чаҕыл сааскы күнү санатан,
Чэпчикитик да дугунан,
Мин иннибинэн ааста кынталдьыйан,
Маҥнайгы ньургуһуннуу дыргыйан...

Кини нарыын-нарын тарбахтара,
Киһини абылыыр мичээр бэлэхтээх
уостара,
Оҕолуу ыраас харахтара санаталлар -
Олоҥхоҕо эрэ буолбакка,
Олохпутугар эмиэ
Алаастан төрүттээх
Айталы Куолар баалларын,
Туйаарымалар биһиэхэ
Тыыннаах тырымныы сылдьалларын...
Маннык кэрэттэн,
Маннык номоҕон дьүһүнтэн -
Хайа поэт долгуйбат буолуой,
Хайаан туойбакка хаалыай?

Саха кыыһын уһун суһуоҕа
Сахалыы саҥалааҕы эрэ буолбакка,
Араас омук ырыаһыттарын,
Айар талааннаахтарын -
Сүрэхтэрин уматыахтын,
Сыдьаай күүһүнэн уулларыахтын!

2000 сыл.

■ И М Н Н Н К ! ! . : . 7 3