Page 71 - Иван Мигалкин Аныыбын иһирэх иэйиибин

е Х З ^ £ ^ 2X3^9 £л£ХЗ*чС>

иьиттим ийэкэм
К уО Л А Һ Ы Н

Саҥа үйэ
Дьоллоох уола буоламмын,
Москва куораттан иһиттим -
ийэкээм, эн куоласкын...
Ахтылҕаммын таһаардым
төрөөбүт тылбынан
телефонунан кэпсэтэн.
Ийэкээм, эн куолаһыҥ - оҕо сааспыттан
ырыа буолан тымырдарбынан
сүүрбүтэ,
сүрэхпэр иҥпитэ...
Саллаат ыарахан олоҕор
Сахалыы кэпсэппэккэ санньыйар,
санааргыыр кэмнэрбэр
бигэтик итэҕэйэрим:
ийэм миигин күүтэр -
ытык иэспин төлөөн,
истиэм дуоһуйа
ийэм саҥатын.
Түүҥҥү харабылга турдахпына
Көтөн түһэрэ
сулустар
дьиэрэҥкэй үҥкүүлэриттэн
ийэкээм, эн куолаһыҥ:
"Тоҥноҕуҥ буолуо уолчааныам,
Тулуй, аҕаҕын санаа,
Кини курдук ийэ дойдугун таптаа."
Саллаат олоҕо бүттэ...
Саҥа үйэ дьоллоох уола буоламмын,
Москва куораттан иһиттим - ийэкээ,
эн куоласкын.

06.11.79.

; 69