Page 133 - Иван Мигалкин Күн таммаҕын ыһыспыт дьылҕалар

чуумпу хоспутугар үһүө этибит. Оҕо суруйааччыта Василий
Тарабукин, поэт Николай Винокуров-Урсун уонна мин.
Билбэт киһи санаатыгар, редактор үлэтэ олус судур-
гу, чэпчэки курдук көстүөн сөп. Бэрт интэриэһинэй су-
руйуулары күннэтэ үөрэ-көтө ааҕыы курдук. Оччолорго
сахалыы да, нууччалыы да кинигэлэр маҕаһыыннарга
былдьаһыгынан атыыланар, “кэтэх аанынан” туһалаах
дьоҥҥо эрэ бэриллэр сыллара этилэр... Төһө да кылгас
кэмҥэ үлэлээтэрбин, редактор үлэтин туһунан маннык
санаалар үөскээбиттэрэ.
Редактор дуоһунаһыгар олорор киһи — хайдах баҕа-
рар майгылаах-сигилилээх авторы кытта (сорох ардыгар
“абытайдар” да түбэһээччилэр), эйэ дэмнээхтик, лоп-бааччы
быһаарсар, бэйэтин тылын-өһүн киниэхэ ылыннарар буо-
луохтаах. Рукопиһы эрэ көннөрүүнэн муҥурдаммакка, айым-
ньы корректуратын үс-түөрт, оннооҕор да элбэхтик ааҕыах-
тааҕын. Корректураны ааҕыы — үлэ киэнэ саамай эрэй-
дээҕэ, сылаалааҕа. Манна лаппа үчүгэйдик билэр да тыл-
гар, типографияҕа сыыһа бэчээттээһинтэн бэйэҥ да мунаа-
ран, буккуллан хаалыаххын сөп. Бөдөҥ суруйааччылар
бэйэлэрэ эрэ таптаан туттар ньымалаах, тыллаах-өстөөх
буолаллар. Ону көннөрүө суохтааххын өйдүүгүн. Холобур,
Софрон Данилов хоһоонноругар “суох” диэн тылы “һуох”
диирэ, күүһүрдүү уонна ыйытыы бэлиэлэрин, икки точ-
каны уонна точкалаах запятойу табан туруортуура, хоһоон
тутулун сирэй саҥа оҥортуура — хайдах эрэ туспа тональ-
ностаах итиэннэ ураты музыкальнайдык тахсаллар. Ман-
нык дириҥ санаалаах, ырааҕы өтө көрөр киэҥ философи-
ялаах хоһооннор —• олоҕу өр сыл кэтээн көрүүттэн, кини
төрөөбүт норуотугар истиҥ тапталыттан суруллаллар.
“Кырдьаҕастан — алгыһын, эдэртэн — эйэтин ыл” диэн
биһиги өбүгэлэрбит былыр-былыргыттан этэллэринии,
кырдьаҕас көлүөнэ редактордар издательствоҕа кэлэ-бара
сылдьан, сүбэ-ама биэрэллэрэ. Биир дойдулааҕым, бил-
лиилээх поэт, Уус-Алдан улууһун Бочуоттаах гражданина
Иннокентий Артамонов, таптыыр поэтым Рафаэль Баҕа-
таайыскай элбэххэ үөрэттэхтэрэ буолуо, махталым ула-
хан. Оттон бииргэ үлэлии сылдьар дьоммуттан, эдэрдэр
— Аграфена Егорова уонна Анатолий Павлов наһаа дьу-
луурдаахтарын, хосторуттан да тахсыбакка күнү-күннүк-
тээн ис сүрэхтэриттэн ылсан үлэлииллэрин сөҕөрүм.
Былырыын, баара-суоҕа 55 сааһыгар сылдьан, күн
сирин сырдыгыттан арахсыбыт Татьяна Ивановна Румян-
цева туһунан ахтыыбар маннык суруйбутум: “Кинигэ из-
дательствотын ханнык баҕарар редакциятын редакторын
үлэтэ — ханан да бүтэр уһуга көстүбэт киэҥ куйаар ди-

129
9 Заказ № 26