Page 128 - Иван Мигалкин Күн таммаҕын ыһыспыт дьылҕалар

Софрон Петрович төрөебүт норуотун олоҕун-дьаһаҕын,
биллэр дьонун-сэргэтин, дойдутун сайдыытын, искусство-
тын, литературатын туһунан тугу санаабыта түмүллэн
оҥоһуллубут, быйылгы 1995 сыл сайыныгар бэчээттэнэн
тахсыбыт “Санаам туймуулара” диэн кэпсээннэрин, бэлиэ-
тээһиннэрин, ойуулааһыннарын кинигэтин олус таттаран,
умсугуйан туран аахтым.
Манна кини төрөөбүтэ 70 сааһын бэлиэтиир юбилейын
киэһэтигэр эппит “Дьоллоох буолуҥ, бар-дьонум!” этиитэ
баар:
“Саха дьоно былыр-былыргыттан араас биис уустарын,
араас омуктары барыларын кытта куруутун бииргэ сүбэ-
лэрин холбоон, бииргэ үлэлээн-хамсаан, атастаһан-доҕор-
доһон, иллээхтик-эйэлээхтик олорбуттара. Күүһүнэн-кыа-
ҕынан күрэстэһиигэ кыайан буолбатах, муударай өйүнэн,
дьүккүөрдээх үлэтинэн, холооннооҕо суох тулуурунан, үтүө
майгытынан бары хара дьайдары киэр хаһыйан, бары
буомнары-моһоллору туораан, саха норуота бу бүгүҥҥү
күҥҥэ тиийэн кэлбитэ. Аҥардас айыы санаатынан, аҥар-
дас күн өйүнэн, аҥардас хорсун үлэтинэн!
... Бу орто дойдуга соҕотох киһи дьоло диэн суох. Баар
да буоллаҕына, ол бэрт дубук, киһи соччо умсугуйбат
дьоло буолуохтаах. Киһи чугастааҕылара, тулалыыр дьон-
норо, ону ааһан бүтүн төрөөбүт норуота бука бары дьол-
лоох буоллахтарына эрэ, толору дьоллонуон сөп. Ити “дьол”
диэн тыл билиҥҥи кэмҥэ, баҕар, соччо дьүөрэтэ суохтук
иһиллиэн сөп. Оттон мин бу киэһэ ити тылы өһөстүк хаты-
лыахпын саныыбын. Тоҕо диэтэххэ, олоҕум устатын туха-
ры мин ырам чаҕылыйар саха норуотун, Саха сирин дьо-
ло-соргута этэ. Ол иһин мин билигин миигин истэр да,
истибэт да дьоҥҥо бука барыларыгар туһаайан эдэрсин
эрдэхпинэ биир кинигэбин ааттаабыт тылларбын хатылаан
этиэхпин баҕарабын: “Дьоллоох буолуҥ, бар-дьонум!”
Бүтүн саха норуотун бары хомолтотун сүрэҕэр-быары-
гар дириҥник ылынан хомолто гынан, оттон үөрүүлээх
чаастарын үс төгүл үрдэтэн, кыһалҕалаах күннэрин тэҥи-
нэн үллэстэн олох олорбут Софрон Даниловка саха киһитэ
баарын тухары махтал истиҥ тылларын аныаҕа!
* * *

Горнай улууһугар үс төгүл: 1993 сыл тохсунньу уонна
балаҕан ыйдарыгар, итиэннэ 1994 сыл кулун тутар ыйы-
гар сырыттым. Улууска баар дэриэбинэни барытын көрдүм,
кини олохтоохторун кытта ирэ-хоро сэһэргэстим. Сэһэргэ-
һиилэрим барыта убайдыы-бырааттыы Семен уонна Со-
<?*■- 124