Page 132 - Иван Мигалкин Күн таммаҕын ыһыспыт дьылҕалар

* •РЯ& & 4& ХГ*

ОЛОҔУМ ҮТҮӨКЭН ОСКУОЛАЛАРЫТТАН
БИИРДЭСТЭРЭ
( Э с с е )

ү / ' иһи олоҕун устата үөрэнэр. Үөрэнэрин тухары кэ-
. / Г рэ5э тардыһар. Оттон кэрэҕэ тардыһарын тухары
биирдэ, — төрөөбүт норуотугар хардатын эрэйбэк-
кэ, үйэлээҕи, үтүөнү оҥорор. Мин түһүүлээх-тахсыылаах,
сороҕор “сээн” дэтэн ылбыт, ардыгар эмиэ да сэмэлэммит
олоҕум үтүөкэн оскуолаларынан — Бүлүүтээҕи педучили-
ще, Москватааҕы Литературнай институт, саха, нуучча
уонна да атын омук суруйааччыларыныын эн-мин дэсиһэн
бииргэ сылдьыым, армияҕа сулууспам. Уус-Алданнааҕы
“Ленинскэй тэрийээччи”, Амматааҕы “Коммунизм тутуу-
тугар” итиэннэ республикатааҕы “Эдэр коммунист”,
“Кыым” хаһыаттар, Саха сиринээҕи кинигэ издательство-
тын коллективтара буолбуттара.
Бу былаһын тухары араас майгылаах, билиилээх-
көрүүлээх, санаалаах-оноолоох, итэҕэллээх, олоххо киһи
үөйбэтэх сыаллаах-соруктаах дьоннуун алтыһан кэллэҕим.
Инники ааттаабыт олоҕум оскуолаларыттан — Саха сири-
нээҕи кинигэ издательствота киһи хараҕар быраҕыллар
уратылаах. Манна хаһыаттар редакцияларын курдук кэ-
лии-барыы сүпсүлгэнэ, хоһу сатарытар күлсүү-салсыы суох
сирэ. Чуумпу дойду. Кэрэтинэн угуйар аарыма алааһы
санатар ытык сир. Мантан төрөөн-ууһаан, силис-мутук
тардан, кэлэр кэскил санаалара сахалыы тылга сааһыла-
нан, алмаас таастыы кырыыланан-нарыланан, саха лите-
ратурата чэчирии сайдар ытык-мааны дойдута...
Саха народнай суруйааччыта Софрон Петрович Дани-
лов мэктиэлээһининэн, 1989 сыл күһүнүгэр Саха сири-
нээҕи кинигэ издательствотын уус-уран литература ре-
дакциятыгар үлэҕэ киирбитим. Директорынан В.С.Колодез-
ников, кылаабынай редакторынан талааннаах поэтесса
Наталья Харлампьева, уус-уран литература редакциятын
сэбиэдиссэйинэн аҕа доҕорум, бэрт үтүө майгылаах поэт
Василий Сивцев, онтон старшай редакторынан ис сүрэх-
питтэн ытыктабыллаахтык сыһыаннаһар киһим Татьяна
Ивановна Румянцева үлэлээбиттэрэ. Биһиги кыракый,

1 2 8