Page 134 - Иван Мигалкин Күн таммаҕын ыһыспыт дьылҕалар

риҥ далайын санатар идэ киэнэ түбүктээҕэ, эрэйдээҕэ уонна
киһи өйүн-санаатын “супту оборон” ылар сылаалааҕа!
Маннык идэҕэ — дьиҥ дьулуурдаахтар, күннээҕи хамнас
диэн буолбакка, тугу эрэ төрөөбүт норуоппар көмөлөспүт
киһи диэн санаалаахтар эрэ үлэлииллэр. Ол киһи ахсын
кыайтарбата чахчы...”
Бу кыракый санаабын түмүктүүрбэр өссө биир суолга
тохтуохпун баҕарабын. Кинигэ издательствотыгар, чуолаан,
уус-уран литература редакциятыгар идэтийбит суруйаач-
чылар эрэ үлэлиэхтээхтэр диэн этээччилэр бааллар. Мин
саныахпар, ити сыыһа буолуо.
Редактор идэтэ суруйааччы идэтигэр маарыннаабат олох
туһунан идэ. Таҥас кырыйааччы уонна модельер-худож-
ник курдук тус-туһунан. Арай, ырааҕынан эргиттэххэ,
бэһис-сэттис көлүөнэҕэ “аймахтыы” да буолуохтарын сөп.
Ырааҕынан аймах, хаһан да бииргэ төрөөбүт убай-быраат
курдук буолбат. Эмиэ, арай диирбэр тиийэбин, суруйаач-
чы уонна редактор эн-мин дэһэн, хардарыта ытыктаһан,
биир өйдөһөр тылы буллахтарына, алмаас таастыы ары-
лыйа кустуктанар саҥа айымньылар күн сирин көрөн,
ааҕааччылар дууһаларыгар сылааһынан сайа кууһан кии-
риэхтэрэ, долгутуохтара, үөрдүөхтэрэ!

1996 сыл, Боро^он с.

ҮРДҮК КҮННҮҮН ҮНКҮҮЛЭҺЭР поэт

Мин көлүөнэм оҕолоро оскуолаҕа үөрэнэ сылдьаммыт
таптаан ыллыыр ырыалаах этибит. Ол ырыа тыллара
күүстээх, эрэллээх доҕордоһууну туойаллара итиэннэ би-
һиги курдук эдэр ыччат үөрүүбүтүн да үксэтэрэ, үлэби-
тин-хамнаспытын да чэпчэтэрэ, күүркэтэрэ...
Доҕордуу дьонно
Ыарахан чэпчиир,
Ыраах да чугаһыыр,
Ким хорсун доҕордоох —
Ол дьоллоох!
Норуокка киэҥник тарҕаммыт бу “Доҕордоһуу тойуга”
диэн ырыа авторынан саха талааннаах поэта Петр Тобу-
руокап буолар. Кинини аан бастаан 1972 сыллаахха
Бүлүүтээҕи педучилище үйэ аҥардаах юбилейыгар көр-
бүтүм, онно Петр Николаевич хоһоон ааҕарын, тыл этэ-
рин истибитим. Төһө да оччолортон хоһоон суруйдарбын,
кини аттыгар чугаһаабатаҕым, арай күнү быһа батыһа

130