Page 129 - Иван Мигалкин Күн таммаҕын ыһыспыт дьылҕалар

фрон Даниловтары ахтыыны кытта ситимнээх буолбута.
Олохтоохтор оҕотуттан кырдьаҕаһыгар тиийэ биир дой-
дулаахтарынан, Семен уонна Софрон Даниловтарынан
хайдах курдук киэн тутталларын сөхпүтүм.
Дьиҥэр, улуус аайы кэриэтэ улахан суруйааччылар
бааллар. Ол гынан баран бэйэтин суруйааччыларынан олус
киэн туттар улуус олохтоохторун көрсө илигим. Горнай-
дар бу өттүгэр инники иһэллэр быһыылаах. Мин төрөөбүт-
үөскээбит Уус-Алдаммар Сергей Васильев, Баал Хабы-
рыыс, В.А.Протодьяконов—Кулантай саха литератураты-
гар бэлиэ, ураты суолу-ииһи ама хаалларбатахтар үһү
дуо?!
Горнай улууһун олоҕун-дьаһаҕын кытта чугастык бил-
сиһиибэр оҕо эрдэхпинэ үҥкүү кэрэтигэр уһуйбут учуу-
талым, 500 экспонаттаах чааһынай музейы 1991 сыллаах-
ха аспыт Гаврил Ильич Александров, эйэҕэс майгылаах,
ис-иһиттэн үрдүк культуралаах улуус дьаһалтатын баһы-
лыгын солбуйааччы Николай Петрович Сидоров итиэннэ
кини төрөппүттэрэ: дьиэ хаһан да бүппэт түбүгүнэн өрүү
үлэлии-хамсыы сылдьар ийэтэ, мааны майгылаах Ульяна
Николаевна Платонова, сытыары-сымнаҕас Петр Ивано-
вич Сидоров, Маҥырас оҕо садын сэбиэдиссэйэ Мария
Трофимовна Ноговицына, “Сүрэхтэн кутуллар дорҕоон-
нор” кинигэ автора, киэҥник биллэр мелодист Данил Да-
нилович Санников, уо.д.а. үтүөлээхтэр-өҥөлөөхтөр.
Горнай улууһугар сылдьаммын олохтоох автор Алек-
сандр Тарасов “Ыраас ырам ыллыгар” уонна Иван Гор-
най “Мин көрөбүн сүрэхпинэн”, “Араас сыллар, араас
тыллар...” диэн хоһооннорун кинигэлэрин кэрэхсии ааҕыта-
лаатым.
Манан этиэхпин баҕарабын: Горнай улууһугар саха
литературатыгар сыстаҕас дьон кэккэтэ улаатан иһэр
диэммин. Убайдыы-бырааттыы Даниловтар үөскээбит дой-
дулара — Мытаах, сирдиин-уоттуун үтүө, кэрэ да буо-
лан, бэйэтин ситэн силигилээбит баай айылҕатыныы, бөдөҥ
талааннары үөскэттэҕэ!
1995 сыл,
Тойон Мцрц алаас

125