Page 140 - Иван Мигалкин Күн таммаҕын ыһыспыт дьылҕалар

кинигэлээх, норуот биһирэбилин, истиҥ тапталын ылбыт
поэт “ситэ-хото иликпин” дэммитэ өйдөммөт курдуга. Би-
лигин санаан көрдөххө, Петр Николаевич адьас эдэр саа-
һыттан бэйэтигэр уонна айар үлэтигэр хара маҥнайгыт-
тан үрдүк ирдэбиллээҕин, эдэр да суруйааччылартан итини
ирдиирин бу да түгэн арылхайдык туоһулуур. Петр Нико-
лаевич мин Суруйааччы союһугар ылылларбар биир бас-
такынан өйөөбүтэ. “Хоп курдук үчүгэй хоһооннордоох”, —
диэбитэ. Ол иһин киниттэн биирдэ сэмээр ыйыппытым:
“Петр Николаевич, эн мин биир да хоһооммун сөбүлээбэ-
тэҕиҥ ээ!” Онуоха кини: “Эйигин уонна хоһоонноргун хара
маҥнайгыттан сөбүлээбэтэҕим буоллар, хаһан да кирии-
тикэлиэм суоҕа этэ”, — диэн хоруйдаабыта.
Сир Ийэҕэ тыл кэрэтинэн араастаан туойуллар Таптал
диэннэрэ баар эбит буоллаҕына, Евгения Васильевна уон-
на Петр Николаевич бэйэ-бэйэлэригэр хардарыта сүдү
тапталлара ону кэрэһэлиир. Хайдахтаах курдук истиҥник
сыһыаннаһалларай, өйөһөллөрөй, бэйэ-бэйэлэрин кыра
оҕолуу ахтыһалларай, өйдөһөллөрөй! Киһи тылынан сатаан
эппэт үйэлээх, сырдык, ыраас тапталынан тыыннанан
кинилэр олорбуттара. Евгения Васильевна суох буолаатын
кытта, Петр Николаевич уйан сүрэҕэ тулаайахсыйыы ыар
ындыытын хайдахтаах курдук таһаҕас оҥосто, сүгэ-көтөҕө
сылдьара буолуой?!
Бүөтүр Тобуруокап мин таптыыр, ытыктыыр поэттар-
быттан биирдэстэрэ. Кини оҕотуттан улахан киһитигэр
тиийэ тэҥинэн сөбүлэтэр айымньылары суруйар. Баай тыла-
өһө Мүрү күөл имигэс долгуннарын санаталлар, кэлэр
үйэҕэ да кэрэхсэтиэхтэрэ турдаҕа! Сааскы чаҕыл күн онно
умса оонньуурун, тардыстарын ситиһэллэр. Бу поэт дьа-
ныардаах үлэтин түмүгэ, кыайыыта, айылҕаттан бэрил-
либит чаҕылхай талаана!
80 саастаах улахан поэт айар үлэ бары эриирин-мус-
куурун билбит сүрэҕэ төрөөбүт сахатын норуотугар тап-
тал уматыктаах, ол иһин кырдьыбат үтүө аналлаах!
1997 сыл, Тойон Мцрц

КЭРЭҔЭ КЫНАТТЫЫР поэзия

Биһиги Сахабыт сирин талааннаах поэттарыттан биир-
дэстэрэ Иннокентий Артамоновы 13 саастаахпар, өссө пио-
нер уол сылдьаммын, 1967 сыллаахха балаҕан ыйын 29
күнүгэр Сергей Васильев аттыгар турарын, иккиэн олус
да мааныларын, киһини тардар уратылаахтарын умсу-
136