Page 143 - Иван Мигалкин Күн таммаҕын ыһыспыт дьылҕалар

Ытыс иһигэр ҮөБҮҮнү тулуй,
Ыга тутанҥын, Үлэҕэ дьулуй.
Тыынын хаайымаар
Талба талааҥнын. Толору дьолун
Тырымныыр уотун
Төлкө аналын Үрдүктүк тутан,
Түөрэх түспүтүн Үлэлээ, Уйбаан!
Туһан барытын
Таба өйдөөннүн. Айаннаа, Уйбаан,
Алгыспын ылан,
Үүнэр дьылҕаҕын Үйэ арҕаһын
Үгүстүк санаан, Үрдүнэн ыстан!
Урукку өттүгэр Иннокентий Ивановичка махтамматах
бэйэм кини 70 сааһын бэлиэтиир күннэригэр истиҥ мах-
талбын-баһыыбабын ис сүрэхпиттэн тиэрдэбин. Иннокен-
тий Иванович бэйэтэ кыһалҕалаахтык иитиллибит, сэрии-
гэ кыттыбыт, эрэйи-муҥу эҥэринэн тэлбит, аччыктааһын
диэн тугун билбит-көрбүт буолан, мин курдук поэзияҕа
саҥа холонон эрэр эдэр дьоҥҥо өрүү көмөлөһө, сүбэлии-
амалыы сылдьар сүрдээх аһыныгас майгылааҕын үйэ чиэп-
пэрэ кэмҥэ билэн-көрөн кэллим.
Кини: “Хайа да улахан талааҥҥа аан маҥнай хардыы
оҥороругар хайаан да көмө, илиититтэн сиэтии, кыах
биэрии наадалаах дии санааммын, элбэх автордарга күүһүм
кыайарынан көмөлөспүппүнэн, күүс-көмө буолбуппунан
билигин сааһыран олороммун киэн туттабын”, — диэн
Иннокентий Иванович “Мин иккис университетым” ахтыы-
тыгар этэрэ кырдьык суол. Билигин Саха Республикатын
народнай поэта буолбут, оччолорго 1960 сыллаахха эдэр-
кээн Савва Тарасов “Таптыыр сахам тылынан” маҥнайгы
кинигэтин рукопиһа бэйэтигэр төттөрү бэриллибитин,
Иннокентий Иванович төттөрү көрдөөн ылан, күн сирин
сырдыгын көрдөрбүтэ.
Мантан чэчирии сайдан, Савва Тарасов народнай поэк-
ка тиийэ үүннэҕэ... Өскөтүн Иннокентий Иванович курдук
киһи суоҕа буоллар, Савва Тарасов ким-туох буоларын
таайарга уустук. Маны тэҥэ, биир дойдулааҕым Д.И.Васи-
льев-Очинскай “Огдообо уолаттара” диэн романа 1960 сыл-
лаахха бэчээттэнэн тахсыбытын ааҕааччылар биһирээн
көрсүбүттэрэ, хаһыаттарга хайгыыр ыстатыйалар тахсы-
быттара. Дьиҥэр, Дмитрий Иванович Васильев-Очинскай
өр сыл кыайан бэчээттэппэккэ эрэйдэммит рукопиһа
И.И.Артамоновка түбэспэтэҕэ буоллар, туох дьылҕаланыа
эмиэ биллибэт. Төһө эмэ сириллибит рукопись үчүгэй ре-
дактор көмөтүнэн күн сирин көрүүтэ, ол махтала билигин

139