Page 141 - Иван Мигалкин Күн таммаҕын ыһыспыт дьылҕалар

гуйа көрөн турардаахпын. Ити — саха суруйааччыларын
аан бастаан көрүүм этэ. Билигин да, харахпын симэн ыл-
лахпына, “лыык” курдук мустубут элбэх дьон ортотуттан
кинилэр күлэ-үөрэ туралларын, төһө да отуттан тахса
сыл аастар, бу баардыы көрөн ылабын... Тыыннааҕынан
тырымныыр кэрэ хартыына буолан... Уһулуччулаах поэт
Сергей Васильевы аҕынналлар эрэ, мин тус бэйэм Инно-
кентий Артамоновы эмиэ истиҥник санаан кэлэбин. Ол,
арааһа, хаһан да умнубаттык иккиэннэрин бииргэ көр-
бүппүнэн буоллаҕа.
Поэт Иннокентий Артамонов эдэр сааһыттан саха но-
руотугар истиҥник биһирэммит, уос номоҕо буолбут чу-
луу айымньыларын суруйбута бэрт түргэнник устан ааһар
уонунан сыллар туманнарыгар сиик буолан симэлийбэк-
кэлэр, сааскы угут сүүрүгүнүү эти-хааны сылааһынан
толороллор. Кини баара-суоҕа 31 саастааҕар “Мин мантан
сэриигэ барбытым” диэн суруйбут хоһоонун хайа саха дол-
гуйа аахпатаҕа буолуой? Бу хоһоон ырыа буолан сүүһүнэн
сүрэҕи, дууһаны уйаннык да долгуттаҕа:
Мин мантан сэриигэ барбытым
Кыракый балаҕан дьиэбиттэн,
Ыраахха диэри кэтэһэн
Турбута кырдьаҕас мин аҕам.
Мин мантан сэриигэ барбытым
Оскуола чуораанын хаалларан,
Саас буолан, чыычаахтаах чараҥым
Симэммит хатыҥын аттынан.
Омос ааҕыыга бу хоһоон тыллара судургулар, онон-
манан эргитэн эридьиэстээһинэ суох эрээри, киһи күннэтэ
саҥарар тылынан үйэҕэ хаалар чаҕылхай айымньыны клас-
сическайдык суруйбута сыанабылга ылыллара чахчы.
Туох баар бары кэрэ бастаан көрүүгэ судургу буола-
рын бу хоһоонунан холобурдуохха сөп. Поэт Иннокентий
Артамоновка манныкка хабааннаах айымньылар элбэхтэр.
“Тойон Мүрү” поэматын төһөтө аахпытым буолуой, ол эрэн
хаттаан саҥалыы аахтаҕым ахсын, кини күүһүн, мууда-
раһын, төрөөбүт-үөскээбит дойдутугар ыраас тапталын
сөҕөбүн, кинини поэт быһыытынан билиниим улаатан иһэр.
Билигин санаатахха, поэт эдэркээн да сааһыгар Совет-
скай Армия кэккэтигэр ыҥырыллыбыт эбит. Олоҕу олоро
илик, ол эрэн инникигэ эрэллээх саха уолчаана. Иннокен-
тий Артамонов 1928 сыллаахха сэтинньи 21 күнүгэр II
Өлтөх нэһилиэгэр төрөөбүтэ. 14 сааһыттан төрөөбүт Уус-
Алданын оройуонугар народнай суут секретарынан үлэ-

137