Page 142 - Иван Мигалкин Күн таммаҕын ыһыспыт дьылҕалар

лээбитэ, онтон Якутскайдааҕы педрабфакка үөрэнэ сыл-
дьан, 16 сааһыттан 23 сааһыгар диэри (7 сыл устата)
Советскай Армия кэккэтигэр сылдьыбыта. Забайкальскай
фронт стрелковай дивизияларыттан биирдэстэригэр снай-
пер быһыытынан Япония империалистарын утары сэрии-
гэ улахан бөҕөргөтүүлээх Хайлар куораты штурма-
лааһыҥҥа, дэбигис туорамматах Улахан Хинган хайатын
сэриилэһэ-сэриилэһэ сатыы туорааһыҥҥа кыттыбыта. Поэт
бойобуой суола Аҕа дойду сэриитин П-с степеннээх орде-
нынан уонна 11 бойобуой медалынан бэлиэтэммитэ.
Поэт Иннокентий Артамонов оҕотук дууһатынан сэрии
алдьархайын билбит, чугас доҕотторун өлүүлэрин көрбүт
буолан, тыыннаах хаалыы хайдахтаах курдук күндүтүн
этинэн-хаанынан өйдөөн, эмиэ классика буолбут “Кымыс-
таах чороону көтөхтүм” хоһоонун 1963 сыллаахха суруй-
бута:
Кымыстаах чороону көтөхтүм
Үгүс сыл кэнниттэн бу бүгүн,
Дьоннорбун үөрүүнэн көрсөммүн
Кымыстаах чороону көтөхтүм.
Кымыстаах чороону көтөхтүм
Быыл буолбут синиэлбин устаммын,
Хоту сир халлаанын ахтаммын,
Кымыстаах чороону көтөхтүм.
Армия ыарахан олоҕун эрдээхтик туораабыт поэт эйэ-
лээх олоххо төннөн кэлэн баран, Якутскайдааҕы государ-
ственнай университеты ситиһиилээхтик үөрэнэн бүтэрби-
тэ уонна 32 сыл устата харыс да халбарыйбакка биир
тэрилтэҕэ, Якутскайдааҕы кинигэ издательствотыгар үтүө
суобастаахтык, үрдүк таһаарыылаахтык үлэлээбитэ. Из-
дательствоҕа үлэлиир сылларбар оҕо эрдэхпиттэн ытык-
тыыр, киэн туттар поэтым Иннокентий Иванович миигин
кинигэни хайдах редакциялааһыҥҥа, авторы кытта истиҥ
сыһыаннаах буолууга, сатаан тутуннахха саха тыла баа-
йын, кини кистэлэҥ күүһүн итиэннэ олох араас өҥүн таба-
тык өйдөөһүҥҥэ элбэххэ үөрэппитэ, көрүстэхпит аайы убай-
дыы үтүө сүбэни-аманы ис сүрэҕиттэн биэрэрэ, хаһан эрэ
мин поэт буоларбар ыралыыра. Кини ити ырата туолан,
мин Суруйааччы союһун чилиэнэ буолбуппар Иннокентий
Иванович миигин хоһоонунан эҕэрдэлээбитэ:
Тапталлаах Мүрүм Ытыктаан, санаан
Талааннаах уолун Ыҥырбыт күҥҥэр
Ыһыаҕар бүгүн Барбатым ыалдьан,
Ыҥырыы ыллым. Баалаама, Уйбаан!