Page 144 - Иван Мигалкин Күн таммаҕын ыһыспыт дьылҕалар

Иннокентий Ивановичка этиэн этиллэр. Иннокентий Ива-
нович редактор быһыытынан барыта 300-тэн тахса кини-
гэни күн сирин көрдөрбүтэ. Ити иһиттэн улаханнык сыа-
наламмыт үөрэх кинигэлэрин. Мин дьиэтээҕи библиотека-
бар 1967 сыллаахха Иннокентий Иванович Моисей Ефи-
мовтыын хомуйан оҥорбут “Саха поэзиятын антологията”
диэн академическай кинигэлэрэ баар. Аҥардас бу да кини-
гэ иһин И.И.Артамоновка сылаас, истиҥ махталы этиэххэ
сөп.
Аҕа дойдуну көмүскүүр Улуу сэрии кыттыылааҕа, Уус-
Алдан улууһун Бочуоттаах гражданина, ССРС бэчээтин
туйгуна, РСФСР норуотун үөрэҕириитин туйгуна, Саха
Республикатын культуратын үтүөлээх үлэһитэ Иннокен-
тий Иванович Артамонов П-с Өлтөх нэһилиэгэр баар Ар-
тамаан алааһа диэн сиргэ биир да буукубаны билбэт, дьа-
даҥы бааһынай кэргэнигэр төрөөбүтэ. Эһэтэ Степан Арта-
монович Артамонов бу дойдуга аан бастаан бурдук ыһыыты-
нан дьарыктаммыт эбит. Аҕата Иван Степанович, ийэтэ
Елена Захаровна колхозтаахтар. Иннокентий Иванович ийэтэ
эдэркээн сааһыгар сэллик ыарыыттан өлөн, үс оҕо тулаа-
йах хаалбыт. Ийэлэрэ өлбүтүн кэннэ аны аҕалара улахан-
нык ыалдьыбыт. Онон поэт оҕо сааһыттан быһыы килиэп
хантан кэлэрин этинэн-хаанынан өйдөөн, колхоз быстах-
остох үлэтигэр кыттан барбыт. Улахан эдьиийэ Өлөөнө
эрэйдээх 18 саастааҕар олус хомолтолоохтук анньар дьаҥҥа
7-8 хонукка ыарытыйан, күн сириттэн арахсыбыта. Өлөөнө
өлбүтүн кэннэ, кыра эдьиийэ Өкүлүүн оскуолаттан уура-
йан, кэлин колхоз суоччута буолбута. Кини ыарыһах аҕатын
уонна кэлин талааннаах поэт буола үүммүт быраатын
Иннокентийы көрбүтэ-истибитэ. Билигин Сыырдаахха оло-
рор, 8 оҕотугар, сиэннэригэр сүбэ-ама буолан көмөлөһөр.
Иннокентий Артамонов оскуола начальнай кылааста-
рыгар үөрэнэ сылдьан хоһооннору суруйуунан дьарык-
таммыт. 1949 сыллаахха “Хотугу сулус” сурунаалга “Пол-
ковник” диэн хоһооно бэчээттэммит. Дьэ, мантан ыла Ин-
нокентий Артамонов поэт быһыытынан республика ааҕаач-
чыларыгар биллэн барбыт. Кини уонунан ааҕыллар кини-
гэлэриттэн ураты 20-чэ поэманы суруйда. Пушкин уонна
Лермонтов, Есенин уонна Твардовскай, П.Тычина уонна
Муса Джалиль, Василий Федоров уонна Николай Дамди-
нов айымньыларын сахалыы саҥарпыт үтүөлээх. Ырыа-
һыт-поэт быһыытынан сүүсчэкэ ылланар ырыалары су-
руйбут авторынан республикаҕа Иннокентий Артамонов
киэҥник биллэр. Кини суруйбут ырыаларын биллиилээх
ырыаһыттар Надежда Шепелева, Анастасия Лыткина,
Дарья Барашкова, Матвей Лобанов элбэхтик ыллаабытта-

140