Page 148 - Иван Мигалкин Күн таммаҕын ыһыспыт дьылҕалар

көстүбүтэ. “Хоһоонноргун түргэнник аҕал, үлэ чааһа бүтэ
илигинэ”, — диэбитэ Баһылай Баһылайабыс.
Хаһан дьиэбэр төттөрү баран, хоһооннорбун булан,
наардаан аҕалыахпар диэри чаастан ордук кэм аастаҕа,
ол былаһын тухары кини райком параднай аанын атты-
нааҕы түннүгүнэн көрө-көрө күүтэн турбут этэ. Миигин ол
сөхтөрбүтэ. Билиҥнээнҥэ диэри ону истиҥник махтана са-
ныыбын. Онтон нэдиэлэ иһинэн, тохсунньу 23 күнүгэр биир
балаһа хоһооннорум бэчээттэммиттэрэ. Барыта 11 хоһоон.
Уон тоҕуспун туола илик эдэр киһиэхэ, миэхэҕэ, поэзия
киэҥ аартыгар үктэнэрбэр бастакы хардыым этэ. Бу оҕотук
сэмэй хардыыбын оҥорорбор аан бастаан көмөлөспүт ки-
һинэн Василий Саввин буолар. Ити сыл сайыныттан ыла
саха аатырар суруйааччыларын кытта Москваҕа билсэн
барбытым.
1974 сыллаахха балаҕан ыйын 3 күнүгэр эмиэ “ЛТ”-гэ
Баһылай Саввин мин хоһооннорбун киирии тыллаан, хаар-
тыскалаан биир балаһаны таһааттарбыта. 70-ус сыллар
ортолоругар оройуоннааҕы хаһыакка Баһылай Титов, Ба-
һылай Саввин, Анатолий Старостин уонна мин буоламмыт
үлэлии сылдьыбыт кэмнэрбит баара. Икки Баһылайдар
журналистикаҕа да, литератураҕа да чахчы талааннаах-
тара, хайа да суһал матырыйаалы түргэнник уонна хаа-
чыстыбалаахтык суруйа охсор уратылаахтара. Анатолий
анал үөрэхтээх художник буолан, хаһыат макетын уустаан-
ураннаан бэрт тупсаҕайдык оҥороро. Ол сылларга мин ки-
нилэртэн олоххо уонна айар үлэҕэ уһуйуллубутум, үөрэм-
митим элбэх буоллаҕа.
1980 сыл тохсунньу 9 күнүгэр армияттан сулууспалаан
кэлэн бараммын, Баһылай Саввинныын хас да хонук бииргэ
сылдьыбыппыт. Кини олоҕор саамай ыарахан күннэрэ-дьыл-
лара этилэр... Уруккуну-хойуккуну ахтыһарбыт барыта
уйадыйыылаахтык тахсара. Биһиэхэ, сахаларга, “эрэйи
эҥэринэн тыырбыт” диэн өйдөбүл баар. Төһө да эрэйдээх,
кыһалҕалаах олохтоох буоллар, Баһылай Саввин поэзия
таайтарыылаах кистэлэҥнэрин уйан-намчы сүрэҕин орто-
тунан аһаран, бар-дьонугар үрүччэ сүүрүгүнүү сырдык,
ыраас, дириҥ иэйиилээх хоһооннору күлүмүрдэппит Поэт
киэнэ бастыҥа буолар. Баһылай бэйэтин көлүөнэтин поэт-
тара Дмитрий Дыдаевы, Альберт Бүлүүйүскэйи кытта
эрэйи эҥэринэн тэлбит биир дьылҕалаахтар.
Үйэ чиэппэриттэн ордук кэм устата Убай курдук тут-
тан кэлбит поэтым Баһылай Саввин сэрии сылларын ту-
лаайаҕын оҕо сааһа, эдэр сааһыттан ааһан-араҕан биэр-
бэт ыарыы буулааһына, аал уоту оттунаары ыал буолаат,
аҕыйах ыйынан кэргэнин, саха талааннаах поэтессата Варя
144