Page 150 - Иван Мигалкин Күн таммаҕын ыһыспыт дьылҕалар
P. 150
пэриттэн ордук кэмҥэ алтыһан кэлбиппинэн, ис санаабын
бар-дьоҥҥо эттэхпинэ, Эн поэт буолан ситэн-хотон сириэ-
дийэн тахсыыгар мин махтаныам этэ, бэйэм улууһум дьо-
нугар! Эн олоҕуҥ ыарахан күннэригэр кинилэр Эйигин
тус бэйэҕин истиҥник саныыллара бэрдиттэн уонна Эн
поэзияҕын сыаналаан, хаһан да таҥнарбатахтарын иһин.
Өрүү күүс-көмө, өйөбүл-тирэх буолбуттарын иһин!
1989 сыллаахха Саха сиринээҕи кинигэ издательство-
тын уус-уран литератураҕа редакциятын сэбиэдиссэйэ, Уус-
Алдан улууһун Өспөх нэһилиэгин кийиитэ Татьяна Ива-
новна Румянцева тус өйөбүлүнэн (Поэттар Василий Сив-
цев, Николай Винокуров—Урсун уонна мин календарнай
былааҥҥа киллэрбиппитин), Эн “Үрүччэ сүүрүгэ” диэн ик-
кис кинигэҥ күн сирин сырдыгын 1993 сыллаахха көрбүтэ.
Рукопиһы хомуйуунан, издательствоҕа киллэриинэн Ба-
һылай Бочкарев дьарыктаммыта.
Дьэ ол иһин Софрон Петрович Данилов, Василий Ни-
колаевич Титов уонна Татьяна Ивановна Румянцева сыр-
дык ааттарыгар барҕа махтал, Эйиэхэ, Баһылай Баһы-
лайабыс күүс-көмө буолбуттарыгар, Поэзия аартыгар үктэ-
нэргэр ис сүрэхтэриттэн далаһа уурбуттарыгар!
Оттон народнай поэт Моисей Ефимов, Саха Республи-
катын П.А.Ойуунускай аатынан Государственнай бириэ-
мийэтин лауреата, талааннаах үгэһит Рафаэль Баҕатаа-
йыскай, Саха Республикатын культуратын үтүөлээх үлэ-
һиттэрэ, биллиилээх поэттар Василий Сивцев уонна Ни-
колай Босиков, Российскай Федерация культуратын үтүө-
лээх үлэһитэ Семен Руфов биһиги Баһылай Саввиммыт
Суруйааччы союһугар ылыллыытыгар көмөлөспүттэригэр
махтанабын.
Ытыктабыллаах Баһылай Баһылайабыс, Эн бүгүҥҥү
киэһэҕэр, биһиги айар Союзпут бэрэстэбиитэлэ, Саха
Республикатын Суруйааччыларын союһун эппиэттиир сек-
ретара, 35 сыллааҕыта Дүпсүн оскуолатыгар учууталы-
нан үлэлээбит поэт Василий Сивцевкэ, “Мүрү саһарҕата”
хаһыат редакторыгар уонна В.А.Протодьяконов-Кулантай
аатынан литературнай комплекс иһинэн үлэлиир улуус-
тааҕы “Сыккыс” литературнай түмсүү салайааччытыгар
тыл бэриллибэтэҕинэн, Эн поэзияҥ киэһэтигэр эппэтэх
санаабын улууһум хаһыатын нөҥүө тириэрдэбин!
Оттон Эйиэхэ бары Үтүөнү, Үйэлээҕи алгыыбын! Дьол-
лоох буол!
Уруйу кытта Иван Мигалкин,
атырдьах ыйын 6 күнэ, 1998 сыл,
Тойон Мүрү алаастан
