Page 153 - Иван Мигалкин Күн таммаҕын ыһыспыт дьылҕалар

сылаастык киирэр уонна окко-маска истиҥ мичээрин оон-
ньотор.
Эдэр ийэ толору түөһүнүү, алаастар үрдүк быардары-
гар сибэккилэр барахсаттар кустук араас өҥүнүү кыта-
раллар, тэтэрэллэр, көҕөрөллөр.
Бэл, ханна эрэ дааҕырҕаһар тураахтар саҥалара айылҕа
кэрэтин ситэрэн биэрэр курдуктар. Кимиэхэ да болҕом-
толорун уурбат мааны көтөр — туус маҥан хоптолор —
көрдөөх сайыҥҥа көччүйэ имигэстик тэлээрэ көтөллөр,
бэйэлэрин дьикти тылларынан саҥарсаллар.
Бу маннык аламай сырдык халлааҥҥа киһи санаата
манньыйар, кыыс айылҕа бу маннык чээлэй күөҕэр ис
дууһаҕыттан ыллыаххын-туойуоххун баҕараҕын.
1982

Киһи олоҕо — айаҥҥа угуйар суоллар

Суоллар... Киһи олоҕо эмиэ ыраахтан ыҥырар суоллар
курдук араас буолар, сорох ардыгар күөл сиэркилэ ньуу-
рунуу барыта көнө, эриэ-дэхси, онтон ардыгар им балай
хараҥаҕа харбыалаһан барардыы мэһэйдэрдээх, онно-манна
иҥнэн бүдүрүйэҕин, охто-охто тураҕын.
Оттон эр санаалаах, ылыммыт үрдэлгин ыларга дьу-
луурдаах, бигэ эрэллээх буоллаххына, тиийиэхтээх сыал-
гын хайаан да булаҕын.
Киһи олоҕо — өрүү айан уонна айаҥҥа угуйар суол-
лар...
1982

Киинэ туһунан
Сынньалаҥ кэми туһалаахтык атаарыыга — киинэни
көрүү наһаа туһалаах. Киһи өйө-санаата сынньанар, сэр-
гэхсийэр. Бэл диэтэр, киинэ геройдарыныын мүччүргэн-
нээх сырыыларга бииргэ сылдьар курдук сананаҕын.
Кинилэр тустарыгар ис дууһаҕыттан, сүрэххиттэн тар-
таран ыалдьаҕын. Киинэни көрөн бүтэн да баран, ол туһу-
нан өр кэмҥэ саныыгын. Үчүгэй киинэ буоллаҕына, сыл-
лар ааспыттарын да иһин, бу киинэни умнубаккын. Хат-
таан саҥалыы көрүөххүн баҕаран кэлэҕин.
Мин эдэркээн сүүрбэччэлээх сааспар, сэттэ уонус сыл-
лар ортолоругар, өрүү буоларын курдук, уочараттаах
кассаҕа тураҥҥын, уһун-синньигэс усталаах, халлаан күөҕэ
дьүһүннээх билиэти үөрэ-көтө ылаҥҥын, контролерга быс-
«5
149