Page 152 - Иван Мигалкин Күн таммаҕын ыһыспыт дьылҕалар
P. 152
ЫРЫА, ЫРЫА БАРАХСАН
се аха сириттэн ыраата сырыттаххына, төрөөбүт төрүт
тылын олус да күндү, иһирэх буолар. Онтон саха-
лыы ыллаан бардаххына, дууһалыын сырдаан, ис-
искиттэн кэҥээбиккэ, ахтылҕаныҥ ааспыкка дылы гынар.
Норуот барыта да ыллыыр ырыатыгар олорор олоҕун
хоһуйар, айылҕатын кэрэтин туойар, киһи быһыытынан
тус майгытын-сигилитин, чаҕылхай өрүттэрин, үөрүүттэн-
хомолтоттон санаа өрүкүйүүтүн киллэрэр.
Ол да иһин, саха ойуутун-мандарын дьикти оһуорда-
рын курдук, ырыабыт да олус нарын-намчы, хатыҥ ча-
раҥмыт сэбирдэҕин сэмэй сипсиэрин курдук намылхай.
Сааскы чаҕыл күммүт сытыы сардаҥалара харахпытын
саатырда оонньуурунуу, сахалыы ырыабыт барахсан,
сөрүүн сүүрээн курдук сүрэҕи уоскутар сөҕүмэр күүстээх-
хин. Олоҕу төһөнөн таптыыгын да, ырыаны соччонон сэҥээ-
рэҕин, сөбүлүүгүн.
Ыллыаххын сөп — дууһаҥ мунчаарбыт кэмигэр, курус
арахсыы кэнниттэн, эбэтэр истиҥ доҕотторгун кытта ах-
тылҕаннаах көрсүһүү үөрүүлээх түгэнигэр. Ыллыаҥ — туох
баар кыаххынан, куоласкынан. Ыллыы турдаххына —
хараххар бу баардыы көстүөхтэрэ төрөөбүт төрүт буоруҥ
арыы наҥнаһын хатыҥнара, ытыктыыр дьонуҥ сэргэх, ис
киирбэх сирэйдэрэ.
Ырыа, ырыа барахсан, сахалыы ырыа киһини кынат-
тыыр, көтүтэр аналлаах, онтон өссө бэйэн ыллыыр буол-
лаххына, ырыа абылаҥа олус күүстээх, ырыата суох биир
да хонук сатаан сылдьыбаккын.
Дууһаҥ туоххаһыйар, сүрэҕиҥ чуҥкуйар...
1982 сыл
Чэлгийэр күөх дуолга
Күөх халлаанҥа тардыстар уһун тииттэр нуоҕай лабаа-
ларын оргууй имэрийэн, сиккиэр тыал чэбдик салгыны-
нан илгийэр.
Тулабар, дьэргэлгэн көрдөөх ыһыаҕын оонньотон, кы-
рачаан чыычаахтар тохтоло суох чуопчаараллар.
Күн сытыы сардаҥаларын уота киһи сүрэҕэр-быарыгар
148
