Page 154 - Иван Мигалкин Күн таммаҕын ыһыспыт дьылҕалар

тара биэрэрбит. Оттон билиэттэн маппыттар эйигин хай-
дах эрэ ымсыырбыттыы, ордугургуу көрөллөрө. Үчүгэй
киинэҕэ сылдьыы оннук алыптаах. Дэлэҕэ да бары искус-
стволартан киинэни уһулуччу тутуохтара дуо?
Киинэни ким барыта таптыыр, кыракый оҕолоруттан
саҕалаан — аарыма кырдьаҕастарыгар, идэттэн тутулуга
суох, рабочайыттан — улахан ученайыгар тиийэ.
1982 с.

Биир айантан кыракый өйдөбүл

Маҥнайгы хаар кыыдамныыра, хаҕыс, сытыы тыал-
лааҕа. Биһиги, сүүрбэччэҕэ тиийэр киһи, “Ракета” кэтэ-
һэн Өлүөнэ биэрэгэр турарбыт.
Бары да тоҥо быһыытыйбыппыт. Ол — алтынньы ый 2
күнэ. 1982 сыллаах күһүн этэ. Эдэр өттүлэрэ, оттуллубут
уокка эбии быраҕаары, хаппыт мас көрдөөн, биэрэк устун
хаампыттара.
“Айан аргыстаах — суол доҕордоох” диэн маны этэн
эрдэхтэрэ. Чааһы кыайбат кэм иһигэр, ким ханна үлэлии-
рэ, туох идэлээҕэ, кэргэннээҕэ дуу, оҕолооҕо дуу биллэ
охсубута.
Биһиги, сахалар, оннук кэпсэтинньэҥ, сайаҕас дьон буол-
лахпыт.
Хаппыт мас тачыгыраччы умайбытыгар тоҥмуппут
ааһан, аны аччыктыы быһыытыйбыппыт. Бэрт өрдөөҥҥүттэн
билсэр дьоннуу, ким туох ыһыктааҕын тэҥинэн үллэсти-
биппит.
Бу турдахпытына, өлгөм, хойуу хаары бүрүммүтүнэн
“Ракетабыт” Якутскайтан кылбайан кэлбитин билбэккэ да
хаалбыппыт...
... Биир айантан кыракый өйдөбүлү сүрэхпэр хаһан да
умнубаппын. Оттон аргыстарым, ити айаны умнубуттара
ыраатта. Кинилэрдиин суолга да көрүстэхпинэ, хаһан да
билбэтэх киһилэринии, дорооболоспокко да ааһаллар.
Быыкаайык, кып-кыракый өйдөбүллэртэн киһи олоҕо
таҥыллар, онтон эрэйдээх айаҥҥа эн-мин дэсиһэн бииргэ
сылдьаргыныы, бэл ыһыккын тэҥинэн үллэстэргинии —
киһи-киһиэхэ сыһыана истиҥэ буоллар, сахалар олоххо
хардыыбыт кэҥиэ, сырдыкка тардыстыыбыт дириҥиэ этэ
диэн бүччүм санаалаахпын.
1987

150