Page 155 - Иван Мигалкин Күн таммаҕын ыһыспыт дьылҕалар

Интэриэһинэй кинигэҕэ тэҥнээх
Сарсыарда ахсын биир кэмҥэ, биир уулуссанан үөрэх-
хэр эбэтэр үлэҕэр сатыы барар буоллаххына, утары
көрсөр дьоҥҥун номнуо дьүһүннэринэн билэн араараҕын.
Кинилэргэ туох уларыйыы буолбутун бэл харахтарыт-
тан бэлиэтии көрөҕүн: үөрбүттэрин-хомойбуттарын, эбэ-
тэр олус тиэтэйэн иһэллэрин, биитэр наҕылыйбыттарын.
Ол омос санаатахха, туох да суолтата суох курдук.
Дьиҥэр, билбэт дьоҥҥун харахтарын уотунан билии, ту-
һугар, интэриэһинэй кинигэни ааҕыыга тэҥнээх!
1985
Учуутал сүрэҕэ

Учуутал... Уус-уран тыл илбис хомуһуна баарын туха-
ры өрүү истиҥ, иһирэх тылынан суруллар күндү аат!
Учуутал бүтүн олоҕун устата сүрэҕин сылааһын оҕолорго
түҥэтэр, онтон кини сүрэҕин сылааһа уостубат. Хата
төттөрүтүн, эбии сылыйан, эбии уоттанан иһэр. Хор, он-
нук күүстээх — Учуутал сүрэҕэ!
Анал үөрэҕи бүтэрэн, учуутал идэтин сүүһүнэн киһи
ылар. Онтон айылҕаттан учуутал буолуу талаана киһиэхэ
барытыгар бэриллибэт. Учуутал киэҥ билиитэ, оҕону тап-
тыыра, идэтин сөбүлүүрэ —- дьиҥнээх учуутал буолууга
ол кыра!
Кини өйүнэн-санаатынан, ис сүрэҕиттэн, дууһатыттан
артыыс бэрдэ, айар үлэһит имэҥнээҕэ, устар ууну сомо-
ҕолуур уус тыллааҕа буолуон наада. Манна дириҥ билии,
үрдүк культура, бэйэ сиэрдээх иитиллиитэ, дьоҥҥо биир
тэҥ кэрэ сыһыана -— барыта улахан оруоллаах. Учуутал
сүрэҕэ — кэлэр үйэлэри сырдатыһар аналлаах, дьэ оннук
күүстээх!
1980

Тааска инэн хаалбыт музыка

Архитектураны тааска иҥэн хаалбыт музыка дииллэр,
сорохтор киһи үөскээһинин кытта тэҥинэн аан дойдуга
кэлбит искусствонан ааттыыллар, оттон атыттар — айылҕа
уонна искусство нарын дьүөрэлэһиилэрэ диэн холобур-
Дууллар.
Бу үс тус-туһунан тэҥнэбиллэр архитектураны — ис-
кусство биир тутаах көрүҥүн быһыытынан сыаналыырга
толору сөптөөх өйдөбүллэр.

151