Page 29 - Иван Мигалкин Күн таммаҕын ыһыспыт дьылҕалар

ордук тиийимтиэлэр, чугастык кини дууһатыгар киирэл-
лэр. Үрдүттэн ойуулааһын хоһоон суолтатын сүтэрэр.
6. Эн хоһооҥҥор төһө да сордоммутуҥ-муҥнаммытыҥ,
ытаабытыҥ-соҥообутуҥ, кэмсиммитиҥ, таптыыбын диэби-
тиҥ иһин, тапталы адьас саҥатык, нарыннык арыйан,
таптыыбын диэн эппэккэ эрэн, таптыыр доҕор кыыскар
дууһаҥ, сүрэҕин кистэлэҥ иэйиитинэн таайтаран, ыраас
тапталгын тиэрдэр, киниэхэ өйдөтөр буоллаххына, дьэ ол
инники угуйар дьиҥнээх тапталы хоһуйуу дэнэр!
7. Үтүктэн суруйуу хаһан да уус-уран айымньы, бии-
тэр айар үлэ буолбатаҕа, оннук ааттаныан да сатаммат!
8. Дьон-сэргэ иннигэр туран поэт хоһооннорун ааҕары-
гар, кини бэйэтэ эрэ ааҕар буолбакка, дьон-сэргэ барыта
ис-иһиттэн долгуйан, ньиргиччи, өрө күүрүүлээхтик ки-
нини кытта тэҥинэн ааҕарын курдугу ситистэҕинэ биирдэ
кини хоһоонноро ордук өйдөнүмтүө, тиийимтиэ буолал-
лар...
9. Ийэҥ суруга тоһө да кылгас буоллар, олус элбэх
үөрүүнү аҕалар...
10. Леонид Мартынов уонна Андрей Вознесенскай хоһоон-
норун билиҥҥи үйэҕэ тэҥниир буоллахха, кинилэр кыа-
йан батыахтара суоҕа, билиҥҥи ааҕааччыга олус саҥалар,
оригинальнайдар. (Нуучча поэта Коля Александровы кыт-
та кэпсэтииттэн.)
11. “Слова любви всегда одинаковы, ;— все зависит от
того, из чьих уст они исходят”. Ги де Мопассан “Милый
друг” романыттан.
12. Баҕар, төһө да өйдөммөт тэҥнэбил туттулуннар,
поэт икки хараҕынан биири буолбакка: бастакы хараҕынан
— аан дойдуну, тулалыыр эйгэни, оттон иккиһинэн —
бэйэ өйүн-санаатын, билиитин-толкуйун үчүгэйдик көрүөн
наада. Сити кэнниттэн, бэйэ ыырын билинэн, тулалыыр
эйгэни өйдөөн суруйдахтарына, айымньылара ордук күүс-
тээх буолар.
13. Улуу суруйааччы буолар инниттэн, улуулары ааҕыах-
хын, үөрэтиэххин, үчүгэйдик билиэххин, өйдүөххүн наа-
да, — диэбитэ биир улуута суох орто суруйааччы.
14. Эрэйи-муҥу эҥэринэн эрдээхтик тэлэн, суруйааччы
бэрдэ буолбут үһү, — диэн доҕотторум кэпсээбит үһүйээн-
нэрин олус сэҥээрэ иһиттим.

* * *
Ханна да сырыттарбын ону-маны бэлиэтэнэрбин көрөн,
Н.А.Габышев эппитэ:
— Дьэ, бэркэ гынаҕын. Киһи барытын өйүгэр туппат.

25