Page 28 - Иван Мигалкин Күн таммаҕын ыһыспыт дьылҕалар

пластинкалааҕа өссө киэргэтэр. Ону сорох ардыгар хол-
боон, сылаас иэйиилээх ахтылҕаммын таһаарабын...
Семен Петрович Данилов курдук сүдү поэттан бэлэх
ылан, үөрүү-көтүү кынаттанан, ол киэһэ уопсайбар кэлээт,
сэттис этээскэ убай суруйааччыбар Николай Алексеевич
Габышевка үргүлдьү ааһан үөрүүбүн үллэстибитим. Онуо-
ха кини:
— Сэмэн эдэриттэн ыраас, чэнчис. Поэзията эмиэ ол
курдук сырдык... Сэмэн курдук уйан, аһыныгас дууһалаах
киһи эйиэхэ, литературнай уолугар (Семен Петрович Да-
нилов нуучча уонна атын омук суруйааччыларыгар мии-
гин билиһиннэрэригэр өрүү “Мой литературный сын” ди-
ирэ. Ону Николай Алексеевич үчүгэйдик билэрэ) анаан-
минээн бэлэх оҥордоҕо. Байдаххына, аатырар суруйааччы
буоллаххына төлүөҥ диэн эппитэ, уолбуттан киһи бэрдэ
таҕыстын, хаһан эрэ аатырдын диэн үтүө алгыһа буол-
лаҕа, — диэбитэ.

* * *
“Оҕо этим — отон этим...” диэн ааттаах 1974 сыллааҕы
черновой тэтэрээттээхпин. Кини тас өттүгэр Семен Петро-
вич илии баттаабыта билигин да үчүгэйдик көстөр. Биир-
дэ, саҥа хоһооннорбун ааҕан иһитиннэрбитим кэнниттэн,
кини тэтэрээппин көрдөөн ылан бэйэтин илии баттааһы-
нын онорбута. Бу тэтэрээппин ылан көрдөрбүн эрэ Семен
Петровиһы саныы түһэбин. Кинилиин араас темаҕа элбэх-
тэ кэпсэтэрбит. Кини миигин араас көрсүһүү, кэпсэтии
кэнниттэн хайаан да бэлиэтэнэн иһэргэ, онтон туох түмүгү
оҥостуохха сөбүн сурунан ыларга үөрэппитэ. Холобур:
1. Хоһоону ханнык баҕарар форманан суруйуохха сөп,
ол эрээри бэйэни хаһан да албыннанымыахха наада. Кут-
тас, дьоҕура суох киһи бэйэтин санаатын албынныыр...
Албын, куттас санаа — поэзия буолбат.
2. Поэзияҕа таҥнары түһүү буолла дииллэр. Ол сыыһа:
поэзияҕа хаһан да таҥнары түһүү уонна өрө тахсыы суох.
3. Суруйааччы төрүт суруйбакка сылдьыыта — ордук
ыарахан кэм. Бу кэмнэ кини наар толкуйдуур, матыры-
йаал хомуйар, бу суруйардааҕар өссө ыарахан...
4. Биирдиилээн дьон литератураны хамсатар.
5. Таптал — икки утарыта турар характер охсуһуута.
Олортон биирдэстэрэ хайаан да күүстээх, иккиһэ мөлтөх
буолар. Бу характердар хайа эрэ төрүккэ олоҕуран инни-
ки сайдыыларын хоһоонҥо биэриэхтээххин. Ол иһин тап-
тал туһунан суруллар хоһооннор үрдүк, дириҥ психоло-
гическай чувствонан бэрилиннэхтэринэ эрэ, ааҕааччыга
24