Page 30 - Иван Мигалкин Күн таммаҕын ыһыспыт дьылҕалар

Мин эдэр сааспыттан ыла элбэх блокноту “марайдаата-
ҕым” буолуо... Тыаҕа эҥин сырыттахха, араас көрдөөх кэп-
сэтии тахсааччы. Ону тутатына бэлиэтэммэтэххинэ, умнан
кэбиһэҕин. Кытаат, бэлиэтэнэн ис.
— Николай Алексеевич, барытын бэлиэтэнэн иһэргэ
Семен Петрович сүбэлээбитэ. Холобур оҥоһун диэн, бэйэ-
тин дневниктэрин кордөрөн аахтарбыта...
— Семен Петровичтыын суруйсаҕын дуо?
— Суруйсабын.
— Ханнык да суругу бырахпат буол. Сааһыран бараҥ-
ҥын ол суруктаргынан бүтүн романы суруйуоххун сөп.

* * *

Россия гостиницаҕа С.П.Данилов саха художниктарын
кытта кэпсэтэ олороругар киирэн кэллим. Хаһыаттарга
көрон билэрбинэн, А.П.Мунхалов, В.С.Парников бааллара.
Кинилэр мин киирбиппэр болҕомтолорун уурбакка, бэйэ-
лэрин чопчу наадаларын быһаарсан кэпсэппиттэрэ. Ханна
эрэ бииргэ барарга тиэтэйэр быһыылаахтара. (Аны санаа-
тахха, “Дьулуруйар Ньургун Боотур” олоҥхо нууччалыы
тахсыытыгар иллюстрациятын кэпсэппиттэр эбит.)
Кинилэр кэпсэтэн бүтэллэрин күүтэн, соҕотох чөкөллөн
олордохпуна, Семен Петрович сырдык сиэрэй өҥнөөх бин-
сээгин аҕалан, миигиттэн көрдөстө:
— Баһаалыста, бу түспүт тимэҕи тик эрэ. Элбэх оҕолоох
ыалга төрөөбүт киһи иистэнньэҥ буолуоҥ.
— Тимэҕи тигэри сатаан бөҕө буоллаҕа дии, училищеҕа
шитье диэн предметтээх этибит.
— Чэ, үчүгэй.
Бүлүүтээҕи педучилищеҕа араас оһуору быысапкалыырга
үөрэппиттэрэ. Тимэҕи баҕас... диэн өйдөбүллээх этим. Бин-
сээк тимэҕин түргэн үлүгэрдик тигэн кэбистим. Семен Пет-
рович баһыыбалаата. Бинсээгин ылан кэтэн, нэлэтэн көрдө:
саптарым бинсээк нөҥүө курдаттыы көстөллөрүттэн сонньуй-
да быһыылаах, хомойбуттуу:
— Уолум иистэнньэҥ буолуо диэбитим, сатаабат эбик-
кин дии. Бэйэм тигииһикпин. (Семен Петровичтааҕар бэ-
йэм ордук хомойдум. Кэпсэтиибитин саҥата суох истэн тур-
бут художниктартан ордук кыбыһынным. Санаабар “Ба-
ҕайы, чолопоос...” диэтэхтэрэ диэн.)
Семен Петрович тигэн баран, миэхэҕэ көрдөрдө:
— Киһини баара-суоҕа биир тимэҕин тигиитинэн сыа-
налыахтарын сөп. Хаһан да эр киһи көстүүмүгэр, эбэтэр
тас таҥаһыгар тимэхтэрин сабын курдаттыы таһааран
тикпэттэр. Ону хата, өйдөөн кэбис, оҕонньор бириинчигэ
26