Page 31 - Иван Мигалкин Күн таммаҕын ыһыспыт дьылҕалар

диэнҥин өһүргэнимэ. Киһи буолар киһи — эргиччи бэйэ-
тин көрүнүөхтээх. Бэл кыра бытархайга тиийэ.
Бу миэхэ хаһан да умнуллубат уруок буолбута. Кэлин
араас үрдүк таһымнаах салайааччылары, итиэннэ республи-
каҕа киэҥник биллэр дьон бинсээктэрин, улахан сииһит
дьахтардыы, уора-көстө бэлиэтии көрөр идэлээхпин... (На-
роднай поэт Петр Тобуруокап биирдэ оонньуу-күлүү кэ-
риэтэ этэн турардаах: “Поэт диэн — сииһит дьахтардаа-
ҕар өссө сииһит буолуохтаах”, — диэн. Маны үтүө
өйдөбүлүнэн сыаналаатахха, олус бэргэн этии. Поэт киһи
киэнэ кыраҕыта, нарыны, кэрэни сатаан арааран көрүөхтээ-
ҕин, туохха барытыгар болҕомтолоох буолуохтааҕын этэр.)
Бэйэм төбөбөр эрэ тутар статистикабынан, республи-
каҕа киэҥник биллэр эр дьон 80 бырыһыаннарыгар ти-
мэхтэрин саба курдаттыы буолан хомотор... (Бинсээктэри-
гэр, эбэтэр сонноругар.)

* * *
1976 сыл олунньу 23 күнүгэр сарсыарда П.Н.Тобуруо-
каптыын сквергэ олоро түһэн баран, Семен Петрович сын-
ньана сытар Переделкино диэн суруйааччылар айар даа-
чаларыгар эбиэт кэннэ тиийбитим, хоһугар суох эбит. Онон
төннөрбүн дуу, күүтэрбин дуу мунааран турдахпына, саа-
һырбыт, билбэт икки киһим бэлиэтии көрөн:
— Семен Петровичка кэлбиккин быһыылаах, биһигини
батыс, — диэтилэр. Бэйэлэрэ күлсэллэр: “Бачча эдэр ки-
һини муннарбат инибит”, — дэһэн.
Таһы рдьа тахсан, үһүөн субуруһан ойдом турар туспа
дьиэҕэ киирдибит. Иккис этээскэ Киргизия народнай поэта
Суюнбай Эралиевтыын Семен Петрович сэһэргэһэ олорол-
лор эбит. Суюнбай Эралиев миигин көрөөт, тута биллэ.
Урут Леонид Андреевич Попов билиһиннэрэн турар. Се-
мен Петрович тас көрүҥэ төһө да мөлтөх курдугун иһин,
онтун биллэрбэккэ буола сатыыр... Били аргыстарым аат-
тара: Гилемдар Зигандарович Рамазанов — башкир норуо-
тун аатырбыт поэта, литературоведа. Онтон иккиһэ —
Ибрагим Абдуллин. Кинилэр Советскай Армия күнүн бэ-
лиэтии мустубуттарын биллим. Семен Петровичтан ураты-
лара сэрии муҥун билбит суруйааччылар.
Балачча өр олорбуппут кэннэ, халбаһы куһуогун ылаа-
ры, бүтэһик “Э кстралары н” муостаҕа садьыйан кэбистим...
Онтум, мин дьолбор, тура түстэ, алдьаммата, грамм да
тохтубата. Дьонум саҥаларыттан матан, ыксаан ылан ба-
ран, улаханнык күлүстүлэр:
— Дьоллоох уол буолсугун...

27