Page 52 - Иван Мигалкин Күн таммаҕын ыһыспыт дьылҕалар
P. 52
Хоһоон суруйарыҥ уонна биһээллик, көрөн-истэн үлэ-
лиир буолбутуҥ эмиэ үчүгэй.
Онон эн миигин, ыалдьа сытар кырдьаҕаһы бэркэ диэн
үөртүҥ, кэрэ кэскилгэр итэҕэттиҥ.
Манна улахан солун суох. Истибитиҥ эбитэ дуу: Васи-
лий Саввин уол Варя Потаповалыын холбоһон, ыал буол-
буттар диэн үөрүүлээх сурах баар. Испэр хайдах эрэ “Дьон
буолаары гыннахтара” диэн үөрүү баар. Иккиэн даҕаны
дьоҕурдаах, кыахтаах бөҕө дьон буоллахтара дии.
Дьокуускай өрүөллэрэ, урдустара — бука бары кэмнэ-
ринэн этэҥҥэ үлэлии-хамсыы сылдьаллар.
Хас да саҥа, эдэр талааннар көстүтэлээн, онон-манан
быгыахтаан эрэллэр. Холобура, Андросов — диэн Анаа-
быр, Угаарап — диэн ЯГУ учуутала уонна били Литин-
ституттан уһуллар Үөһээ Бүлүү уола уо.д.а. Онон Сахабыт
литературата хотоку өтөрүнэн соччо эстэр-быстар анала
суох быһыылаах.
Н.Харлампьева кыыс ЯГУ-ну бүтэрбитэ... билигин дьэ
хоһуйан, үлэлээн-хамнаан эрэр. Ол да үчүгэй...
Арай оҕонньоттор биһиги улам мөлтөөн, ыалдьар-сүтэр
буолан иһэбит: Н.Е.Мординов, К.Уурастыырап уонна мин
даҕаны.
Билигин мин бу ыалдьа сытан “Сэргэлээххэ көмүс ар-
дах” диэн кинигэ сыыһын оҥоро сатыыбын.
Доҕор, эйигин сэмэлиэх санаам кэллэ. Мин эйиэхэ биирдэ
этэн турабын: “Саха кулгааҕар баппат нууччалыы татта-
ран суруйаҕын”, — диэн. Бу хоһоонноргор онно ыйбыт
“Москва анныгар” диэн этииҥ эмиэ кэлбит. “Анныгар” диэн
“Сирин анныгар” диэн өйдөбүллээх эбээт. Оттон, онтон
итэҕэһэ суох дуорайыылаах, ис хоһоонунан быдан сүүйүү-
лээх “Москва аттыгар”, “Москва таһыгар” диэн тыллар
бааллар эбээт сахаҕа. Эбэтэр “Москваттан чугас” да диэ-
тэххэ, туох куһаҕана баарый?
Чэ итинник сэмэлээн бүтүүм.
Уруйу кытта Семен Данилов.”
“Сиргэ сылдьыам, күшгэ көстүөм...”
Маннык ааттаах хоһоон Семен Данилов “Сэргэлээххэ
көмүс ардах” диэн кэриэс кинигэтигэр баар. Саха норуота
улаханнык хараастан Семен Даниловы сүтэрбитэ номнуо
17-с сылыгар барда. Бу ааспыт сылларга Семен Петрович
сырдык аата мин үөрүүбэр-көтүүбэр, санааргыыр-санньы-
йар чаастарбар өрүү бииргэ сылдьыһар. Кини киһини
курдаттыы тардар номоҕон мичээрэ тапталлаах төрөөбүт
48
