Page 51 - Иван Мигалкин Күн таммаҕын ыһыспыт дьылҕалар
P. 51
Суруккун туттум. Үчүгэйдик сылдьар эбит, оҕонньорун
умнубат эбит диэн үөрдүм.
Армия сокуона кытаанах. Ону мин бэркэ билэбин,
өйдүүбүн. Эн бэрт сөпкө гынар эбиккин: өсөһөн, тыл аах-
сан туһа суох, бостуой таах атаҕастанан, баттанан хаа-
лыаҥ этэ инньэ гынарыҥ буоллар. Дуулаҕа, бэйэни түһэн
биэрбэт санаа онтон тутайбат. Армия сокуонугар, коман-
дирдар дьаһалларыгар мөккүөрэ суох бас бэринии, дьи-
ҥинэн, күүс бэлиэтэ, киэҥ, кыахтаах санаа бэлиэтэ. Оттон
кыраттан өһүргэнии, куруубайдаһыы — татым санаа, кэ-
рэгэй кыах бэлиэтэ. Ону эн кыахтаах, киэҥ санаалаах,
киэҥ көҕүстээх киһи быһыытынан саамай сөпкө өйдүүр
эбиккин. Эҕэрдэлиибин!
Элбэҕи ааҕаргын, духовнай өттүнэн тиһигин быспакка,
армия да условиятыгар сайда, көрдүү, өйгүн, дууһаҕын
үлэлэтэ сылдьарыҥ үчүгэй. Дьиҥнээх киһи дууһатын му-
чумаана, ийэ кутун истиҥ олоҕо ханнык да эйгэҕэ уос-
куйуо, умуллуо суохтаах.
Кэлэр кэскилиҥ туһунан эмиэ саамай сөпкө ылынан,
быһаарынан сылдьар эбиккин. Киһи олоҕо бүтүннүүтэ
быыстала суох кэрэҕэ тардыһыы, сырдыкка, кэскиллээх-
хэ талаһыы буолуохтаах. Оттон “оо, гражданкаҕа хайдах
эрэ аһыыбын-сиибин, көрүлүүбүн!” — диэн татым баҕа-
лааҕыҥ буоллар, ол олус кэрэгэй, үүммэт-өнүйбэт бэлиэ
буолуох этэ.
До^ордуу студеннар. Хацастан: скулъптор Семен Прокопъев,
архитектор Федор Шишигин, поэт Анатолий Старостин уонна
Иван Мигалкин. Москва тыата. 1975 сыл
47
