Page 65 - Иван Мигалкин Күн таммаҕын ыһыспыт дьылҕалар

хэҕэ телеграмма кэлбитэ: “Посылаю книги Старостина
Прошу передать Приветом — Данилов” диэн.
1974 сыллаахха “Хотугу сулус” сурунаал 5 №-гэр Лео-
нид Попов киирии тыллаах мин хоһооннорум аан бастаан
улаханнык бэчээттэммитэ. Онно Семен Петровичтан ман-
нык ис хоһоонноох телеграмма кэлбитэ: “Напечатано все
10 стихотворений Поздравляю Посылаю журнал почтой
Приветом — Семен”

Семен Данилов төрөөбүт сирин
хатыҥын сэбирдэҕэ...
1985 сыл кулун тутар саҥатыгар доҕорбунаан Семен
Ермолаевтыын СГУ медико-лечебнэй факультетыгар үөрэ-
нэр студенткалары кытта көрсүһүүгэ мин саҥа хоһоон-
норбуттан аахпытым, оттон Семен Ермолаев мелодист
быһыытынан бэйэтэ суруйбут ырыаларыттан толорбута.
Көрсүһүүбүт бэрт үчүгэйдик ааспыта. Бу кэнниттэн миэхэ
поэзияны интэриэһиргиир Полина Ноговицына диэн кыыс-
тан хас да сурук кэлбитэ. Кини суруктара ыраас санааты-
нан, поэзияны сөбүлүүр сырдык иэйиитинэн уратылаах-
тара. Мин ол көрсүһүүгэ кинини өйдөөн көрбөтөҕүм. Киһи
буочарынан кини майгытын-сигилитин билэбин диэн эппэ-
тэрбин да, Полинаны буочарыттан көрдөххө, кини сымна-
ҕас майгылааҕа, сайаҕас дууһалааҕа, билэр-билбэт дьону-
гар үтүөнү эрэ баҕарара көстөр. Полина биир суругар
маннык суруйар:
“Үтүө күнүнэн, Иван Васильевич!
Горнай оройуонун биир бастыҥ сириттэн — Мытаахтан
истиҥ эҕэрдэ. Көмүс күһүн кэрэтэ, сэбирдэхтэр дьикти
үҥкүүлэрэ — барыта манна баар.
Биһиги манна практикабытыгар кэлэ сылдьабыт. Олох-
тоох дьонноро олус боростуойдар. Эйэҕэстэр. Мытаах -—•
Бэрдьигэстээхтэн 30 километр. Бэрт соторутааҕыга диэри
суоллара куһаҕанын иһин, туох да сылдьыбат эбит. Аатыр-
быт Сиинэ уонна Матта өрүстэр ааһаллар, чугаһынан.
Семен Данилов суруйбут “Үс көлүйэ” ферматыгар ааһан
иһэн сырыттыбыт. Кырдьык да, ферма аттыгар үс көлүйэ
баар эбит... Матта өрүһү ааһан иһэн көрөн аастыбыт. Ып-
ыраас уу ньууругар сэбирдэхтэр аргыый усталлар. Мас-
тар күлүктэрин көрүнэллэр, үөһэ тыынан ылар курдук-
тар. Сырдык чараҥ устун “араҕас көмүһү үрдүнэн, араҕас
ардаҕы быыһынан...”
Билигин баҕам — Сиинэҕэ бара сылдьыахпын баҕара-
бын... (Сиинэ диэн Синяя өрүһү ааттыыллар эбит, манна

61