Page 69 - Иван Мигалкин Күн таммаҕын ыһыспыт дьылҕалар

барбат салыбыраабыт-илибирээбит солдат формалааҕа
миигин наһаа уйадыппыта. Соторутааҕыга диэри киниэхэ
тэннэһэр мааны таҥастаах суоҕа эбээт! О, саллаат олоҕо
куһаҕан да быһыылаах эбит дии санаабьггым. Онтон кини
“Хаар түһэр” диэн хоһоонун ааҕан истэҕинэ, хараҕым уутун
соттубутум:
Күн ахсын көһүтэр
үрүҥ туллук суругум,
эн ханна билигин
айаннаан иһэҕин?

Туохтан бүөбэй доҕорум,
суругун уһуннук күүттэрдэ?
Тыйыс дьыбар Сахам сиригэр
буурҕа түһэн, суол сүттэ дуу,
биитэр сааскы дуолан уохтаах
иэйиибит уота өстө дуу?!

Ахтыыттан тымныйбыт санаакам,
Көтүүй,
аймах дьоммор,
дойдубар,
доҕорум туллук сурукчаанын
аара соһуччу көрсүөҥ, баҕар.
Тиийээт, айманан хаалбакка,
оргууй кууһаар чуумпуга
маҥнайгы көрсүһүү алааһын,
Алданым атаарбыт кытылын...
Анатолий хоһооннорун ааҕан бүппүтүн кэннэ, Николай
Алексеевич Дьокуускай сонунун, Прокопий институт оло-
ҕун, онтон мин дьоммут-сэргэбит хайдах олорорун туһу-
нан кэпсээбиппит. Киэһэриитэ арахсыбыппыт. Биһигини,
устудьуон дьону, Толя сайыһа хаалбыта...
Төннөн иһэн мин:
— Николай Алексеевич, Толяҕа солдат формата төрүт
барбат дии, эн санааҕар?
— Кырдьык, солдат формата сатаан олорбото, тутта-
хапта сылдьара, бэл дьүһүннүүн Тима Сметаниҥҥа маа-
рынныыр буолбут, — диэн Николай Алексеевич хоруйдаата
уонна ВДНХ-ҕа сылдьыаҕыҥ диэтэ. Онно киэһээҥибитин
аһыыр буоллубут. Араас өҥнөөх уоттар чаҕылыһан, ВДНХ
киэһэ тупсубута сүр. Дьон аҕыйаан, хаамарга, күүлэйдииргэ
наһаа үчүгэй. Салгына сип-сибиэһэй.
“Каменный цветок” уонна “Золотой колос” фонтаннар
65
5 Заказ № 26