Page 64 - Иван Мигалкин Күн таммаҕын ыһыспыт дьылҕалар

үргүбүт
чыычаахтыы
көтөллөр.
Олох хонук.
Дьыл биир,
икки,
үс!
Эдэр сааһым,
дьоллоох тапталым!
Тохтуу түһүҥ,
чыпчылҕан түгэнэ!
Семен Петрович Анатолий хоһоонноругар “үүммүт,
сайдыбыт” диэн түмүк оҥорбута. Семен Петрович кинини
дьоҕурдаах поэтынан ааҕара, сыаналыыра. Оттон мин “Отон
этим — оҕо этим” диэн саҥа хоһооммун ааҕан иһитиннэр-
битим. (Бу хоһоон бастакы кинигэбиттэн сотуллан хаалбы-
та.)
Аҕалаах ийэм Айылҕа хотуҥҥа
Бэлэх ууммуттара —
Оһуор ойуулаах туос оҥоойугу.
Ону оҕуруо тиһик отонунан толорон
Оҕо сааһым Мүрүгэ ааспыта.
Оҕо этим — отон этим...
Эйэҕэс ийэбэр тэҥниирим
Ньээм-ньээм үүт биэрэр аналын...
Ытыспар тоһуйан алаастарга таргыырым
Күөрэгэй көрдөөх ырыатын.

Сир ийэни сырдыгынан күндүлүүр
Отон этим — оҕо этим...
Олох диэн тугун билбэтим,
Бэл түүлбэр көрбөтүм ким миигин
Бүөбэйдээн үүннэриэҕин, биитэр үргүөҕүн...
Ахтан ылабын ааспыт оҕо сааспын...
Хайдах да, хаһан да буолуо суохтааҕын
Билэ-билэбин баҕа санаанан күүтэбин:
... Отон курдук сылын ахсын
Оҕо сааһым чэчирии үүнүөҕүн...
Саллаат убайым Анатолий Старостинтан арахсарбы-
тыгар Семен Петрович кини бастакы “Аал уоппар итэҕэ-
лим” диэн кинигэтэ бэчээккэ барбытын эппитэ, таҕыстар
эрэ ыытыах буолан эрэннэрбитэ.
Онтон икки ыйтан ордук кэминэн С.П.Даниловтан миэ-