Page 60 - Иван Мигалкин Күн таммаҕын ыһыспыт дьылҕалар

йах сыллааҕыта бииргэ үөрэммитим диэн кини романын
атыыласпытым. Ааҕан көрбүтүм наһаа мөлтөҕө. Барыта
сымыйа образтар, сымыйа санаалар... Дьиҥнээх олоххо
буолбат үлэ-хамнас, доҕордоһуу, таптал. Киин Комитекка
олорон, дуоһунаһынан туһанан таһааттардаҕа дии санаа-
бытым. Арай сөхпүтүм баар, сүүрбэччэ бэчээтинэй лиис-
тээх романы сүрэхтээх буолан суруйбутун. Мин сүрэхтээх,
үлэһит дьону өрүү ытыктыыбын. Киһи быһыытынан куһа-
ҕаныттан тутулуга суох. Дьиҥ-чахчы талааннаах дьон, со-
рох ардыгар аҥардас сүрэҕэ суохтарыттан, тыыппалааҕы
айбакка өлөн хаалалларыттан, кыахтарын туһамматахта-
рыттан хомойобун эрэ.
“Советская Россия” издательствоҕа тиийэммин редак-
тор Турков диэн поэкка рукописпын туттарбытым. “Поэ-
тическая Россия” серияҕа тахсыбыт А.Е.Кулаковскай “Песня
якута” кинигэни армияҕа сылдьан, байыаннай гарнизон
маҕаһыыныгар түбэһэ түһэн, ылбытым. Кинигэни рукопи-
һыттан ыла билэр буоламмын, хайдах эрэ аймахпын
көрсүбүт курдук сананан, улаханнык үөрэн-көтөн атыы-
ласпытым.
Семен Петрович бу кинигэ рукопиһын бириэмэтигэр
тиксэрбэтэхпиттэн хомойон, хас да ый олох кэпсэппэккэ,
дорооболоспокко сылдьыбыта...
Мин 40 сыл олох олорбутум улахан аҥарын сыыһаны-
халтыны, буруйу-сэмэни оҥорууга “анаабыт” курдук са-
нанабын. Киһиэхэ биирдэ эрэ бэриллэр эдэркээн сааспын
таба туһамматахпын кэмсинэбин. Мөлтүүр-ахсыыр түгэм-
мэр, араас үлэттэн уһуллар да кэммэр мин тула дьон
үтүөтэ баара. Олох салҕанарын курдук, киһи барахсан
үтүөтэ муҥура суоҕун өйдөөбүтүм. Сылаас, истиҥ сыһыан
кимҥэ барытыгар наада, онтон биһиги оннук кыһамньыны
киһи аайы уурбат буолан, дьону куһаҕаттар диэн хомнуу-
бут.
Тоҥ буору тобулан тахсар ньургуһун курдук, дьон дуу-
һатыгар өтөн киирэр истиҥ тылы, иһирэх сыһыаны тобу-
луҥ даа диэхпин баҕарабын хас биирдии киһиэхэ...
1977 сыл тохсунньу ыйга субуруччу үс суол буруйу
Семен Петровичка оҥорбуппун билигин санаатахха, олус
тутах, улдьаа, акаары өйдөөх-санаалаах эбиппин дэнэбин.
Кэлин сылларга Семен Петровиһы түһээн көрөр буол-
лум: кини сырдык сиэрэй көстүүмнээх үөрэ-көтө сылдьа-
рын... Билсиһиибит бастакы сылларын курдук номоҕон,
нарын бэйэлээх. Уһуктаат, хомойон хаалабын. Уһуннук
кэпсэтэ түспэтэхпиттэн...
Семен Петрович Данилов үөскээн улааппыт Мытааҕар
Суруйааччы союһун чилиэнэ буоллахпына биирдэ тиийиэм

56