Page 66 - Иван Мигалкин Күн таммаҕын ыһыспыт дьылҕалар

кэлэн биллим), уонна музейга Бэрдьигэстээххэ сылдьар
санаалаахпын.
Биһиги быйыл врачебнай практиканы бардыбыт. Прак-
тикабытыттан элбэҕи биллибит, ыарыһахтары кытта би-
листибит, эмтээтибит...”
Полина суругун быыһыгар хатыҥ сэбирдэҕин ыыппыт
этэ. Ол сэбирдэххэ икки өттүгэр шариковай уруучуканан
суруллубут суруктаах. Бастакы өттүгэр: “Мытаах — Се-
мен Данилов төрөөбүт сирин хатыҥын сэбирдэҕэ”, онтон
нөҥүө өттүгэр: “Сэргэлээххэ көмүс ардах сэллээбэккэ түһэр,
түһэр...” Инньэ гынаммын мин, Семен Данилов дойдуту-
гар хаһан да сылдьа иликпинэ, үтүө санаалаах Полина
Ноговицына көмөтүнэн, Семен Петрович Данилов курдук
уһулуччулаах поэт төрөөбүт-үөскээбит сириттэн хатыҥ
намчы сэбирдэҕин тутар чиэскэ тиксибитим, итиэннэ эл-
бэх ырыаҕа-хоһооҥҥо хоһуллубут үтүө-мааны дойдуну
кытта мин бастакы сэмэй сибээһим олохтоммута...
Билигин да таптыыр поэтым, истиҥник саныыр Сүдү
киһим Семен Петрович төрөөбүт сирин хатыҥын сэбирдэ-
ҕин олус харыстаан уура сылдьабын, санаам манньыйбыт
күнүгэр оҕолорбор көрдөрөбүн... Саһарбыт хатыҥ сэбир-
дэҕэ — мин дууһабар хаһан да хагдарыйбат, өрүү күөҕүнэн
суугунуу турар, ураты мелодиянан сүрэхпэр кутуллар!
Семен Петрович сырдык аата Саха сирин тохтор көмүс
сэбирдэхтэрэ буоланнар хас киһи аайытын бааллар, са-
ҥаттан-саҥаны кини туһунан кэпсииллэр...
1995 сыл, Тойон Мцрц алаас

СҮГҮРҮЙЭР, МАХТАНАР СУРУЙААЧЧЫМ
(эссе)
Николай Алексеевич Габышев туһунан уруккуттан су-
руйуохпун, кэпсиэхпин баҕарар этим. Бу суруйуубар кини
айар үлэтин туһунан научнай ыстатыйа, саха литерату-
ратыгар киириитин көрдөрөр критическэй ырытыы буол-
бакка, Николай Алексеевич киһи быһыытынан истиҥ до-
ҕор, дириҥ билиилээх, үрдүк культуралаах сайаҕас киһи
олорон, үлэлээн ааспытын кэпсиэхпин баҕарабын.
Ханнык баҕарар киһи олоҕор умнуллубат көрсүһүүлэр,
өйгө-санааҕа хаалар киэһэлэр, дьоллоох түгэннэр баал-
ларын курдук, мин тус олохпор Николай Алексеевич Га-
бышевы оннук иһирэх дьолу биэрбит киһинэн ааҕабын.
1973 сыллаахха балаҕан ыйын 5 күнүгэр үөрэхпиттэн
кэлэн, соҕотох олордохпуна, ааммын тоҥсуйан үрдүк уҥуох-
е * . 62